தனுஷின் D44 இயக்குனர் இவர் தான்? மீண்டும் சூப்பர்ஹிட் கூட்டணி

நடிகர் தனுஷின் 40வது படமான ஜகமே தந்திரம் படம் ரிலீஸுக்கு தயாராகி வருகிறது. கார்த்திக் சுப்புராஜ் இயக்கியுள்ள அந்த படத்தின் பெரும் பகுதி லண்டனில் ஷுட் செய்யப்பட்டது.. சில காட்சிகள் இந்தியாவிலும் எடுக்கப்பட்டன. அதன் பணிகள் அனைத்தும் முடிந்து ரிலீஸ் தேதி இன்னும் அறிவிக்கப்படாமல் உள்ளது. லாக் டவுன் முடிந்தபிறகு இந்த படம் வெளியாக வாய்ப்பு உள்ளது.

இந்நிலையில் தனுஷ் அடுத்து நான்கு படங்களில் ஒரு நேரத்தில் கவனம் செலுத்த உள்ளார். மாரி செல்வராஜ் இயக்கத்தில் அவர் நடித்து வரும் கர்ணன் படம் 41வது படமாக உருவாகி வருகிறது. தனுஷின் 42வது படம் பாலிவுட்டில் அத்ராங்கி ரே என்ற பெயரில் உருவாகிறது. 43வது படத்திற்காக இயக்குனர் கார்த்திக் நரேன் உடன் கூட்டணி சேர்ந்துள்ளார் தனுஷ். அடுத்து தனுஷின் 44வது படத்தை சன் பிக்ச்சர்ஸ் நிறுவனம் தயாரிக்கிறது.

D44 பற்றிய அறிவிப்பு சென்ற வருடமே அதிகாரபூர்வமாக வெளியானது குறிப்பிடத்தக்கது. சன் பிக்சர்ஸ் கூட்டணி சேர்ந்திருப்பது மகிழ்ச்சியாக இருக்கிறது என அப்போது ட்விட்டரில் கூறி இருந்தார் தனுஷ். ஆனால் படத்தின் இயக்குனர் யார் என்பது பற்றி அப்போது அதிகாரபூர்வமாக அவர்கள் குறிப்பிடவில்லை.

இந்நிலையில் D44 படத்தினை மித்ரன் ஜவஹர் தான் இயக்க உள்ளார் என தகவல் பரவி வருகிறது. ஆனால் அதிகாரப்பூர்வமாக அது உறுதி செய்யப்படவில்லை. அதனால் அதிகாரபூர்வ அறிவிப்பு வந்தால் தான் இந்த கூட்டணி உறுதியாகும்.

மித்ரன் ஜவஹர் மீண்டும் தனுஷுடன் கூட்டணி சேர்ந்தால் தனுஷுடன் அவருங்கு நான்காவது படம். யாரடி நீ மோகினி படம் மூலமாகத்தான் இயக்குனராக அறிமுகம் ஆனார் மித்ரன். அந்த படம் மிகப்பெரிய ஹிட் ஆனது. 2008ல் வெளிவந்த இந்த படம், ஒரு வருடத்திற்கு முன் தெலுங்கில் செல்வராகவன் இயக்கிய 'ஆடவாரி மாடலுக்கு அர்தாலே வேறுலே' என்ற படத்தின் ரீமேக் தான். அதில் வெங்கடேஷ் மற்றும் த்ரிஷா நடித்து இருந்தனர்.

யாரடி நீ மோகினிக்கு பிறகு குட்டி, உத்தமபுத்திரன் ஆகிய படங்களை மித்ரன் ஜவஹர் இயக்கினார். உத்தம புத்திரன் படத்தில் விவேக் - தனுஷ் காமெடி பெரிய அளவில் ஒர்கவுட் ஆனது குறிப்பிடத்தக்கது. அதை பார்த்து வயிறு வலிக்க சிரிக்காத ரசிகர்களே இருக்க முடியாது. உத்தமபுத்திரன் படமும் ஒரு தெலுங்கு பட ரீமேக் தான். ஸ்ரீனு வைட்லா இயக்கிய ரெடி என்ற படத்தினை தான் தனுஷை வைத்து ரீமேக் செய்தார் மித்ரன் ஜவஹர்.

மேலும் தனுஷ்-மித்ரன் நான்காவது முறை இணையும் D44 படத்தின் கதையையும் தனுஷ் தான் எழுதுகிறார் என கூறப்படுகிறது. தனுஷின் கதை, திரைக்கதை, வசனத்தில் தான் படம் உருவாக உள்ளது என கூறப்படுகிறது. ஆனால் இந்த தகவல் உண்மையா என்பது அதிகாரபூர்வ அறிவிப்பு வந்தால் தான் உறுதியாகும்.

தனுஷின் கர்ணன் படத்தின் 90 சதவீதத்திற்கும் அதிகமான ஷூட்டிங் நிறைவு பெற்று விட்டது. அதை தனுஷே முன்பு கூறி இருந்தார். அதனை தொடர்ந்து அத்ராங்கி ரே என்ற ஹிந்தி படத்தில் நடிக்க ஆரம்பித்தார் தனுஷ். அதில் சாரா அலி கான் ஹீரோயினாக டபுள் ரோலில் நடிக்கிறார். ஒரு ரரோல் தனுஷுக்கு ஜோடி, மற்றொரு ரோல் அக்ஷய் குமாருக்கு ஜோடி.

இந்த படத்தின் ஷூட்டிங் வாரணாசியில் நடைபெற்று வந்தது. அந்த சமயத்தில் தான் கொரோனா பிரச்சனை காரணமாக அனைத்து பணிகளும் நிறுத்தப்பட்டது. லாக்டவுன் முடிந்ததும் அது மீண்டும் துவங்க உள்ளது.