மீண்டும் கூட்டணி சேர்ந்த தனுஷ்-யுவன் -செல்வராகவன்.!

புதுப்பேட்டை படத்திற்கு பிறகு செல்வராகவன் இயக்கும் திரைப்படத்தில் யுவன் ஷங்கர் ராஜா இசையில் நடிகர் தனுஷ் ஒரு பாடலை பாடியுள்ளார்.

இந்த கூட்டணி இதற்கு முன்னர் புதுப்பேட்டை படத்தில் இறுதியாக இணைந்திருந்தது.செல்வராகவன் இயக்கிய புதுப்பேட்டை திரைப்படத்தில் யுவன் ஷங்கர் ராஜா இசையமைத்த “எங்க ஏரியா உள்ள வராத” என்ற பாடலை தனுஷ் பாடியிருந்தார்.ரசிகர்களிடையே பெரும் வரவேற்பை பெற்ற இந்த பாடல்,அந்த ஆண்டின் சிறந்த பாடல்கள் வரிசையிலும் இடம் பெற்றிருந்தது.

இந்நிலையில் கடந்த வியாழனன்று தனது சகோதரர் செல்வராகவன் இயக்கி வரும் ”நெஞ்சம் மறப்பதில்லை” திரைப்படத்தில்,யுவன் இசையமைத்துள்ள கடினமான பாடலை பாடியிருப்பதாகவும்,பத்து ஆண்டுகளுக்கு பிறகு தங்கள் கூட்டணி மீண்டும் இணைந்திருப்பதாகவும் தனுஷ் தனது டிவிட்டர் கணக்கில் பதிவிட்டிருந்தார்.

Just sang a very trippy and difficult song for #nenjammarappadhillai @selvaraghavan @thisisysr 3 of us together after a decade #whatfun pic.twitter.com/tDIkSk9Gzw — Dhanush (@dhanushkraja) October 13, 2016 கடினமான பாடலாக இருந்தாலும் தனது பாடும் திறனால் இரண்டு மணி நேரத்தில் அந்த பாடலை தனுஷ் பாடி முடித்ததாகவும் கூறப்படுகிறது.

இயக்குநர் செல்வராகவன் இயக்கி வரும் திரில்லர் படமான நெஞ்சம் மறப்பதில்லை திரைப்படத்தில் எஸ்.ஜே.சூர்யா,ரெஜினா மற்றும் நந்திதா ஆகியோர் நடித்துள்ளனர். இந்த படத்தை இயக்குநர் கெளதம் வாசுதேவ் மேனன் தயாரித்துள்ளார்.வரும் டிசம்பர் மாதம் இந்த திரைப்படம் வெளியாக உள்ளது.

English Summary:

Dhanush teams up with Selvaraghavan and Yuvan Shankar for ‘trippy song’ in ‘Nenjam Marappathillai’