'திருச்சிற்றம்பலம்’ படக்குழுவினருக்கு நேர்ந்த கொடுமை: அதிர்ச்சியில் தனுஷ் ரசிகர்கள்!

'மாறன்' படத்தை தொடர்ந்து தற்போது சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் 'திருச்சிற்றம்பலம்’ படத்தில் நடித்து வருகிறார் தனுஷ். இந்தப்படத்தின் படப்பிடிப்பு அண்மையில் பூஜையுடன் துவங்கியது. அண்மையில் இந்தப்படத்தின் படப்பிடிப்புத்தள புகைப்படம் இணையத்தில் கசிந்து பரபரப்பை கிளப்பியது. இந்நிலையில் தற்போது ஷுட்டிங் ஸ்பாட் வீடியோ ஒன்று இணையத்தில் கசிந்து படக்குழுவினர் மத்தியில் அதிர்ச்சியை ஏற்படுத்தியுள்ளது.

நடிகர் தனுஷ், மாளவிகா மோகனன் இருவரின் நடிப்பில் உருவாகியுள்ள படம் மாறன். கார்த்திக் நரேன் இயக்கி வரும் இந்த படத்தின் முதல் கட்ட படப்பிடிப்பு ஏற்கனவே முடிவடைந்த நிலையில் அடுத்த கட்ட படப்பிடிப்பு அண்மையில் ஐதராபாத்தில் உள்ள ராமோஜிராவ் பிலிம் சிட்டியில் தொடங்கியது. சத்யஜோதி பிலிம்ஸ் தயாரிக்கும் இந்த படத்தின் படப்பிடிப்பு அண்மையில்முழுவதுமாக நிறைவடைந்தது.

மாறன் படத்தை தொடர்ந்து மித்ரன் ஜவஹர் இயக்கத்தில் திருச்சிற்றம்பலம் படத்தில் நடிக்க ஒப்பந்தமானார் தனுஷ். ஏற்கனவே, மித்ரன் இயக்கத்தில் யாரடி நீ மோகினி, குட்டி, உத்தமபுத்திரன் உள்ளிட்டப் படங்களில் தனுஷ் நடித்துள்ளார். சன் பிக்சர்ஸ் தயாரிக்கும் இந்த படத்தின் படப்பிடிப்பு அண்மையில் பூஜையுடன் துவங்கியது. இந்த பூஜையில் தனுஷ், பாரதி ராஜா, பிரகாஷ் ராஜ், நித்யா மேனன் மற்றும் படக்குழுவினர் கலந்து கொண்டுள்ளனர்.

Chinmayi Sripada: மாமியா..? உனக்கெல்லாம் மரியாதையே கிடையாது: நெட்டிசனை கிழித்து தொங்கவிட்ட சின்மயி!
இந்நிலையில் அண்மையில் படத்தின் கதாநாயகி ராஷி கண்ணா தனுஷுடன் இருக்கும் படப்பிடிப்புத்தள புகைப்படம் ஒன்றும் இணையத்தில் தற்போது கசிந்து வைரலானது. அதனை தொடர்ந்து தற்போது தனுஷ் மற்றும் நித்யா மேனன் சம்பந்தப்பட்ட பாடல் காட்சி ஒன்றின் படப்பிடிப்பு வீடியோ ஒன்று லீக்காகி உள்ளது. இது படக்குழுவினரை அதிர்ச்சியடைய செய்துள்ளது.


'திருச்சிற்றம்பலம்' படத்தில் தனுஷ் ஜோடியாக ப்ரியா பவானி சங்கர், ராஷி கண்ணா உள்ளிட்ட நான்கு கதாநாயகிகள் நடிக்கவுள்ளனர். நீண்ட இடைவேளைக்கு பின் தனுஷ், அனிருத் கூட்டணி இந்த படத்தில் இணைந்து பணிபுரிய உள்ளது குறிப்பிடத்தக்கது.