தனுஷ், சிவகார்த்திகேயன், விஜய் சேதுபதி பங்கேற்கும் இசை வெளியீட்டு விழா

சென்னை: நடிகர் தனுஷ், விஜய் சேதுபதி, சிவகார்த்திகேயன் ஆகிய மூவரும் 'முடிஞ்சா இவன புடி' படத்தின் இசை வெளியீட்டு விழாவில் சிறப்பு விருந்தினர்களாக பங்கேற்கவுள்ளனர்.

பிரபல இயக்குனர் கே.எஸ்.ரவிக்குமார் இயக்கத்தில், கன்னட சூப்பர் ஸ்டார் கிச்சா சுதீப் கதாநயாகனாக நடிக்கும் 'முடிஞ்சா இவன புடி' படத்தின் இசை வருகிற ஜூலை 20ஆம் தேதி வெளியாகும் என முன்னதாகவே படக்குழு தெரிவித்திருந்தது.

இப்படத்தின் படபிடிப்பு நிறைவடைந்து , தற்போது இறுதிகட்ட வேலைகள் விறுவிறுப்பாக நடைபெற்று வருகிறது. டி.இம்மான் இசையமைத்துள்ள 'முடிஞ்சா இவன புடி' படத்தின் இசையை முன்னதாக உலகநாயகன் கமல்ஹாசன் வெளியிடுவார் என தெரிவிக்கப்பட்டது. எதிர்பாராதவிதமாக கமல்ஹாசன் வீட்டின் மாடிப்படியில் இருந்து தவறி விழுந்ததில் காலில் அறுவை சிகிச்சை செய்யப்பட்டு மருத்துவமனையில் ஒய்வு எடுத்து வருகிறார்.

அதனால் இப்படத்தின் இசையை நடிகர் விஜய் சேதுபதி வெளியிட நடிகர் சிவகார்த்திகேயன் பெற்றுக் கொள்வார் என படக்குழு தெரிவித்துள்ளது. இந்த இசை வெளியீட்டு விழாவில் சிறப்பு விருந்தினர்களாக நடிகர் தனுஷ், சிவகார்த்திகேயன், விஜய் சஐதுபதி ஆகிய 3 பெரும் நடிகர்களும் கலந்துக் கொள்ளவிருப்பதாக கோலிவுட்டில் பேசப்படுகிறது. சிவகார்த்திகேயன், தனுஷ் இடையே கடுமையான மோதல் இருக்கும் நிலையில் இருவரும் இணைந்து நிகழ்ச்சி ஒன்றில் பங்கேற்பது குறிப்படத்தக்கது.

கிச்சா சுதீப் ஏற்கனவே தமிழில் 'நான் ஈ' , 'புலி' போன்ற படங்களில் வில்லன் வேடத்தில் நடித்துள்ளார். இது சுதீப் நேரடி கதாநாயகனாக நடிக்கும் முதல் தமிழ் திரைப்படம். ராக்லைன் வெங்கடேஷ் வழங்கும் இப்படத்தை எம்.பி.ராம்பாபு தயாரிக்கிறார்.

இப்படத்தில் நாயகியாக நித்யா மேனன் நடிக்கிறார் ,'போக்கிரி', 'பூஜை', படங்களில் நடித்த முகேஷ் திவாரி இப்படத்தில் வில்லனாக நடிக்கிறார். 'எதிர் நீச்சல்', 'பாண்டிய நாடு' படங்களில் நடித்த சரத் லோகித்சுவா மற்றொரு வில்லனாக நடிக்கிறார். நாசர் , சாய் ரவி , அச்சுதா குமார் , லதா ராவ் , சதீஷ் ,சது கோகிலா , கௌதமி , விச்சு , இமான் அண்ணாச்சி உள்ளிட்ட பலர் நடித்துள்ளனர்.