சூப்பர் ஸ்டாருடன் கெஸ்ட் ரோலில் நடிக்கும் தனுஷ்!

சூப்பர் ஸ்டார் ரஜினியுடன் ஒரு படத்தில் கெஸ்ட் ரோலில் நடிகர் தனுஷ் நடிக்கவுள்ளதாக கூறப்படுகிறது.

நடிகர் தனுஷ் ரஜினியின் மருமகன் என்றபோதும், அவரது தீவிரமான ரசிகரும்கூட. நடிகர் ரஜினியை ரசிகர்களைப்போன்று நடிகர் தனுஷ் தலைவர் என்றுதான் அழைப்பார். மேலும், நடிகர் தனுஷ், தனது வுண்டர் பார் பிலிம்ஸ் சார்பில் ரஜினியை வைத்து இன்னொரு படம் இயக்குமாறு இயக்குனர் ரஞ்சித்திடம் கேட்டுக்கொண்டார். மேலும், அது தனுஷின் விருப்பமாக இருந்ததால் அதற்கு ரஜினியும் மறுப்பு சொல்லவில்லை. விளைவு, தற்போது ஷங்கரின் ‘2.ஓ’ படத்தில் நடித்திருப்பவர், அடுத்தபடியாக மீண்டும் பா.ரஞ்சித் இயக்கத்தில் நடிக்க தயாராகிக் கொண்டிருக்கிறார்.

இந்தநிலையில் ரஜினி நடிக்கும் அந்த படத்தில் நடிகர் தனுஷும் ஒரு கெஸ்ட் ரோலில் நடிக்கயிருப்பதாக செய்திகள் வெளியாகியுள்ளன. இதையடுத்து தனுஷ் விடுத்துள்ள செய்தியில், சூப்பர் ஸ்டாருடன் நடிக்க யாருக்குத்தான் ஆசை இருக்காது. கடவுள் நினைத்தால் கண்டிப்பாக அவருடன் இணைந்து நடிப்பேன் என்று கூறியுள்ளார்.

Dhanush will do a cameo role in Rajinikanth's movie directed by Pa.Ranjith