Vaathi: 'வாரிசு' பட ரூட்டை பாலோ பண்ணும் தனுஷின் 'வாத்தி': பந்தயம் அடிக்குமா.?

தனுஷின் 'வாத்தி' படம் நாளைய தினம் வெளியாகவுள்ளது. தமிழ், தெலுங்கு மொழியில் உருவாகியுள்ள இந்தப்படத்தின் ரிலீசுக்காக ரசிகர்கள் ஆர்வமுடன் காத்திருக்கின்றனர். இந்தப்படத்திற்கான புரமோஷன் பணிகள் கடந்த சில நாட்களாகவே தீவிரமாக நடந்து வருகிறது. இந்நிலையில் இந்தப்படத்தின் பத்திரிக்கையாளர்களுக்கான சிறப்பு காட்சிக்கு ஏற்பாடு செய்யப்பட்டுள்ளதாக தகவல்கள் வெளியாகியுள்ளன.

தனுஷின் மூன்று படங்கள் தொடர்ச்சியாக ஓடிடியில் வெளியாகி ரசிகர்களுக்கு அதிருப்தியை அளித்திருந்த நிலையில் கடந்தாண்டு 'திருச்சிற்றம்பலம்' படம் திரையரங்குகளில் வெளியாகி ரசிகர்கள் மத்தியில் அமோக வரவேற்பை பெற்றது. நித்யா மேனன், ராஷி கண்ணா, ப்ரியா பவானி சங்கர் உள்ளிட்ட மூன்று கதாநாயகிகள் நடித்த இந்தப்படத்தை மித்ரன் ஜவஹர் இயக்கியிருந்தார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

சன் பிக்சர்ஸ் தயாரிப்பில் வெளியான இந்தப்படம் 100 கோடி கிளப்பில் இணைந்து ரசிகர்களுக்கு இன்பதிர்ச்சியை அளித்தது. இதனையடுத்து தனுஷ், செல்வராகவன், யுவன் கூட்டணியில் 'நானே வருவேன்' படம் வெளியானது. தனுஷ் இரட்டை வேடங்களில் நடித்து மிகப்பெரிய எதிர்பார்ப்புக்கு மத்தியில் வெளியான இந்தப்படம் சுமாரான வெற்றியையே பெற்றது.

இதனிடையில் தெலுங்கு மொழியில் உருவாகி வரும் 'வாத்தி' படத்தில் நடித்து முடித்துள்ளார் தனுஷ். வெங்கி அட்லுரி இயக்கியுள்ள இந்தப்படத்தில் சம்யுக்தா மேனன் கதாநாயகியாக நடித்துள்ளார். இந்தப்படத்தினை சித்தாரா எண்டர்டைன்மென்ட் நிறுவனம் தயாரித்திருந்தது. இந்தப்படத்தின் டிரெய்லர் அண்மையில் வெளியாகி ரசிகர்கள் மத்தியில் அமோக வரவேற்பினை பெற்றிருந்தது. கவ்வியை வைத்து பணம் சம்பாதிக்கும் முறைகேடுகள் பற்றி படத்தில் பேசப்பட்டுள்ளது என்பது டிரெய்லரிலே தெரிகிறது.

Anushka Shetty: அச்சச்சோ.. அனுஷ்காவுக்கு இப்படியொரு நோயா.?: ரசிகர்கள் அதிர்ச்சி.!

இந்நிலையில் இந்தப்படத்திற்கான பத்திரிக்கையாளர்களுக்கான சிறப்பு காட்சிக்கு இன்றிரவு ஏற்பாடு செய்யப்பட்டுள்ளதாக தகவல்கள் வெளியாகியுள்ளன. 'வாரிசு' படத்திற்கும் இதே முறை பின்பற்றப்பட்டது. இது படத்தின் முதல்நாள் வசூலுக்கு மிகப்பெரிய அளவில் பக்கபலமாக அமைந்தது. மேலும், வாரிசு படத்தை வெளியிட்ட செவன் ஸ்கீரின் ஸ்டுடியோ 'வாத்தி' படத்தின் தமிழக வெளியீட்டு உரிமையையும் கைப்பற்றியுள்ளது.

Anikha Surendran: சர்ச்சையை கிளப்பிய லிப்லாக், படுக்கையறை காட்சிகள்: அனிகா ஓபன் டாக்.!

இதனால் 'வாரிசு' பார்மூலாவை 'வாத்தி' படத்திற்கும் பயன்படுத்துவதாக கூறப்படுகிறது. மேலும், 'திருச்சிற்றம்பலம்' படத்துக்கு கம்மியான எதிர்பார்ப்பு மற்றும் புரமோஷன் இருந்ததை போல் தற்போது 'வாத்தி' படத்திற்கும் உள்ளது. இதனால் 'திருச்சிற்றம்பலம்' படம் போல் 'வாத்தி' எதிர்பாராத பிளாக் பஸ்டர் வெற்றியை குவிக்கும் என எதிர்பார்க்கப்படுகிறது.