30 நிமிடத்தில் 1 லட்சம் பார்வையாளர்களை கடந்த எனை நோக்கி பாயும் தோட்டா டிரைலர்!

தமிழ் சினிமாவில் முக்கியமான இயக்குநர்களில் ஒருவராக பார்க்கப்படுபவர் கௌதம் மேனன். இவரது இயக்கத்தில் கடந்த 2016ம் ஆண்டு தொடங்கப்பட்ட படம் எனை நோக்கி பாயும் தோட்டா. எப்போதும் கொஞ்சம் லோக்கலான அழுக்கு பையனாக, ரௌடியாக, எதிர் வீட்டுப்பையன் போன்ற கேரக்டர்களில் மட்டுமே நடித்து வந்த தனுஷ் இப்படத்தில் முன்னணி ரோலில் நடித்துள்ளார்.

இவருக்கு ஜோடியாக மேகா ஆகாஷ் நடித்துள்ளார். தர்புகா ஷிவா இப்படத்தில் முதல் முறையாக இசையமைப்பாளராக அறிமுகமாகியுள்ளார். இவரின் பாடல்கள் தான் இப்படத்தை இன்னும் உயிர்ப்புடன் வைத்துள்ளது.

கடந்த 2017 ஆம் ஆண்டே இப்படம் வெளியாகும் என்று எதிர்பார்க்கப்பட்டது. ஆனால், இயக்குநரின் பணப்பிரச்சனை காரணமாக இப்படத்தின் படப்பிடிப்பு நிறுத்தி வைக்கப்பட்டது. கௌதம் மேனன் விக்ரமுடன் துருவ நட்சத்திரம் படம் இயக்க இப்படம் முழுமையாக நின்று விட்டது.

இதையும் படிங்க: தொழிலதிபருடன் திவ்யா ஸ்பந்தனா ரகசிய திருமணமா?

மேலும் படிக்க: Himachal Floods: உயிருக்கு ஆபத்தான சூழலில் சிக்கி மீண்ட நடிகை: பலரும் ஆறுதல்!

Also Read This: முத்தையா முரளிதரனாக நடிக்க, இது தான் காரணம் - விஜய் சேதுபதி!!

பின் பல மாதங்களுக்கு பிறகு எனை நோக்கி பாயும் தோட்டா திரைக்கு வரும் என பேசப்பட்டது. அப்படத்தின் டீஸர் ரிலீஸாகி ரசிகர்களிடம் ஆராவரா வரவேற்பை பெற்றது. ஆனால் மீண்டும் இப்படம் பணப்பிரச்சனைகளில் சிக்கியது. படத்தில் சில பணிகள் மிச்சம் இருந்த நிலையில் படம் டிராப் ஆனதாக தகவல் வந்தது.

இந்த நிலையில், கடந்த ஆண்டு இப்படத்தின் இறுதிகட்ட படப்பிடிப்பு மீண்டும் தொடங்கியது. இதனால், படம் தீபாவளிக்கு வரும் என்று அறிவிக்கப்பட, மீண்டும் பணப்பிரச்சனையில் சிக்கியது எனை நோக்கி பாயும் தோட்டா. அதன் பிறகு வெற்றிகரமாக அனைத்து பணிகளும் முடிக்கப்பட்டு படம் கடந்த ஜூலை 26ம் தேதி வெளியாகும் என்று அறிவிக்கப்பட்டது.


ஆனால், அதிலிருந்து பின்வாங்கி வரும் செப்டம்பர் 6ம் தேதி வெளியாகும் என்று அறிவிக்கப்பட்டுள்ளது. இந்த நிலையில், தற்போது இப்படத்தின் டிரைலர் வெளியாகி ரசிகர்களிடையே நல்ல வரவேற்பைப் பெற்றுள்ளார். அழகான காதல் கதையை மையப்படுத்தி இப்படம் உருவாக்கப்பட்டுள்ளது. வழக்கத்திற்கு மாறாக தனுஷ் இப்படத்தில் மாறுபட்ட கதாபாத்திரத்தில் தனது நடிப்புத் திறமையை வெளிப்படுத்தியுள்ளார்.

இப்படத்தின் டிரைலர் வெளியான அரை மணி நேரத்தில் யூடியூப்பில் 1 லட்சம் வரையில் பார்வையாளர்களை கடந்துள்ளது. மேலும், 14 ஆயிரம் லைக்ஸ் மற்றும் 442 டிஸ்லைக்ஸ் வரை பெற்றுள்ளது என்பது குறிப்பிடத்தக்கது.