Thiruchitrambalam: கடைசில இப்படி ஆகி போச்சே: கடும் அப்செட்டில் தனுஷ்.!

'மாறன்' படத்தை தொடர்ந்து சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் 'திருச்சிற்றம்பலம்’ படத்தில் நடித்து முடித்தார் தனுஷ். இதன் படப்பிடிப்பு கடந்த வருடம் சென்னையில் துவங்கியது. இந்தப்படத்தின் ட்ரைலர், பாடல்கள் வெளியாகி ஏற்கனவே ஹிட்டடித்த நிலையில் நேற்றைய தினம் 'திருச்சிற்றம்பலம்' படம் திரையங்குகளில் வெளியாகியுள்ளது.

மாறன் படத்தை தொடர்ந்து மித்ரன் ஜவஹர் இயக்கத்தில் திருச்சிற்றம்பலம் படத்தில் நடிக்க ஒப்பந்தமானார் தனுஷ். ஏற்கனவே, இவர் இயக்கத்தில் யாரடி நீ மோகினி, குட்டி, உத்தமபுத்திரன் உள்ளிட்டப் படங்களில் தனுஷ் நடித்துள்ளார். சன் பிக்சர்ஸ் தயாரித்துள்ள ‘திருச்சிற்றம்பலம்’ படத்தில் பாரதி ராஜா, பிரகாஷ் ராஜ், நித்யா மேனன், ப்ரியா பவானி சங்கர், ராஷி கண்ணா, கென் கருணாஸ் உள்ளிட்டோர் முக்கிய கதாபாத்திரத்தில் நடித்துள்ளனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

தனுஷ் நடிப்பில் கடைசியாக வெளியான மூன்று படங்களும் ஓடிடியில் ரிலீஸ் ஆனது. இந்தப்படங்களும் ரசிகர்கள் மத்தியில் போதுமான வரவேற்பை பெறவில்லை. இந்நிலையில் கிட்டத்தட்ட ஒன்றரை வருடங்களுக்கு பிறகு திரையரங்கில் வெளியாகும் தனுஷ் என்பதால் 'திருச்சிற்றம்பலம்' படத்திற்காக ரசிகர்கள் ஆர்வமுடன் காத்திருந்தனர். மேலும் அனிருத், தனுஷ் கூட்டணி ஏழு வருடங்களுக்கு பிறகு இந்தப்படத்தில் இணைந்துள்ளது.

இந்நிலையில் நேற்று வெளியான இந்தப்படம் ரசிகர்கள் மத்தியில் பாசிட்டிவான விமர்சனங்களையே குவித்து வருகிறது. மேலும் பாக்ஸ் ஆபிஸில் முதல் நாள் நல்ல கலெக்ஷன் கிடைத்துள்ளதாகவும் கூறப்படுகிறது. இதனிடையில் 'திருச்சிற்றம்பலம்' படம் வெளியான முதல் நாளிலே இணையத்திலும் கசிந்துள்ளது படக்குழுவினர் மத்தியில் அதிர்ச்சியை ஏற்படுத்தியுள்ளது.

Shruti Haasan: ஒரு படத்திற்காக ஸ்ருதிஹாசன் வாங்கும் சம்பளம் எவ்வளவு தெரியுமா..?

சட்டவிரோதமாக படங்கள் பைரசியில் வெளியாவதற்கு தடைகள் போட்டாலும் திரையரங்குகளில் வெளியாகும் முதல் நாளிலே படங்கள் இணையத்திலும் கசிந்துவிடுகிறது. அந்த வகையில் தற்போது 'திருச்சிற்றம்பலம்' படம் இணையத்தில் லீக்காகி உள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது.