'மாறன்' படத்தை தொடர்ந்து தற்போது சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் 'திருச்சிற்றம்பலம்’ படத்தில் நடித்து முடித்துள்ளார் தனுஷ். இதன் படப்பிடிப்பு கடந்த வருடம் சென்னையில் துவங்கியது. இந்நிலையில் தமிழ் தெலுங்கு மொழியில் தனுஷ் நடிப்பில் உருவாகும் ‘வாத்தி’ படத்தின் டீசரை படக்குழுவினர் வெளியிட்டுள்ளனர்.
மாறன் படத்தை தொடர்ந்து மித்ரன் ஜவஹர் இயக்கத்தில் திருச்சிற்றம்பலம் படத்தில் நடிக்க ஒப்பந்தமானார் தனுஷ். ஏற்கனவே, இவர் இயக்கத்தில் யாரடி நீ மோகினி, குட்டி, உத்தமபுத்திரன் உள்ளிட்டப் படங்களில் தனுஷ் நடித்துள்ளார். சன் பிக்சர்ஸ் தயாரிக்கும் திருச்சிற்றம்பலம் படத்தில் பாரதி ராஜா, பிரகாஷ் ராஜ், கென் கருணாஸ் உள்ளிட்டோர் முக்கிய கதாபாத்திரத்தில் நடிக்கின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
மேலும் தனது அண்ணன் இயக்கத்தில் ‘நானே வருவேன்’ படத்திலும் நடித்து முடித்துள்ளார். இயக்குநர் செல்வராகவன், தனுஷ், யுவன்சங்கர் ராஜா ஆகிய மூவரும் பத்தாண்டுகளுக்கு பிறகு 'நானே வருவேன்' படத்தில் மீண்டும் இணைந்துள்ளனர். புதுப்பேட்டை படத்திற்கு பிறகு இவர்கள் மூவரும் இணைய உள்ளதால் இந்தப்படத்திற்கு ரசிகர்கள் மத்தியில் மிகப்பெரிய எதிர்பார்ப்பு ஏற்பட்டுள்ளது. இந்தப்படத்தை கலைப்புலி எஸ் தாணு தயாரிக்க உள்ளார்.
இதனை தொடர்ந்து தமிழ், தெலுங்கு மொழியில் உருவாகும் புதிய படத்திலும் நடிக்க ஒப்பந்தமானார் தனுஷ். தோழி ப்ரேமா, ரங் தே உள்ளிட்ட படங்களை இயக்கிய வெங்கி அட்லரி இந்தப்படத்தை இயக்குகிறார். ஜி.வி. பிரகாஷ் இசையமைக்கும் இந்தப்படத்தின் பர்ஸ்ட் லுக் நேற்றைய தினம் வெளியானது.
Aishwarya Rajinikanth: தந்தை ரஜினியுடன் ஹாயாக கிளம்பிய ஐஸ்வர்யா: கடுப்பில் தனுஷ் ரசிகர்கள்.!
இந்நிலையில் தனுஷ் பிறந்தநாளை முன்னிட்டு தற்போது இந்தப்படத்தின் டீசரை படக்குழுவினர் வெளியிட்டுள்ளனர். கல்லூரிகளில் நடக்கும் முறைகேடுகளை திருத்தும் ஆசிரியராக தனுஷ் ‘வாத்தி’ படத்தில் நடித்துள்ளதாக டீசரில் தெரிகிறது. மேலும் தனுஷின் தோற்றம் யங்காக, செம கூலாக இருப்பதாக ரசிகர்கள் கமெண்ட் அடித்து வருகின்றனர். இந்த டீசர் தற்போது இணையத்தில் லைக்குகளை குவித்து வருகிறது.