மே 5 முதல் 'தர்மதுரை' இசை

விஜய் சேதுபதி நடிப்பில் உருவாகி வரும் 'தர்ம துரை' படத்தின் இசை வருகிற மே 5 ஆம் தேதி வெளியாகும் என தகவல்கள் வெளியாகியுள்ளன.

கிராமப்புற ரொமேண்டிக் கதையாக உருவாகி வரும் இப்படத்தை ஆர்.கே.சுரேஷின் 'ஸ்டுடயோ 9' நிறுவனம் தயாரிக்கிறது. தமன்னா, ஐஸ்வர்யா ராஜேஷ், ஸ்ருஷ்டி டாங்கே, ஐஸ்வர்யா லக்ஷ்மி ஆகியோர் கதாநாயகிகளாக நடித்துள்ளனர். மதுரை, தேனி உள்ளிட்ட பகுதிகளில் நடந்த இப்படத்தின் படப்பிடிப்புகள் முடிவடைந்தன.

சீனு ராமசாமி இயக்கத்தில் உருவாகியுள்ள இப்படத்திற்கு யுவன்சங்கர் ராஜா இசையமைத்துள்ளார். எனவே இப்படத்தின் இசை ரசிகர்கள் மத்தியில் மிகுந்த எதிர்ப்பார்ப்பை ஏற்படுத்தியுள்ளது. 'தர்மதுரை' படம் ஜூன் மாதம் வெளியாகும் என எதிர்ப்பார்க்கப்படுகிறது.