தனுஷ் பட இயக்குனருடன் துருவ் விக்ரமின் இரண்டாவது படம்?

துருவ் விக்ரம் ஆதித்ய வர்மா படம் மூலமாக ஹீரோவாக அறிமுகம் ஆனார். அர்ஜுன் ரெட்டி படத்தின் ரீமேக் தான் இந்த படம். அதில் அவரது நடிப்பு நல்ல வரவேற்பை பெற்றது. அதனை தொடர்ந்து துருவ் தனது அடுத்த படத்தினை நீண்ட காலமாக அறிவிக்காமல் இருந்த நிலையில், கார்த்திக் சுப்புராஜ் இயக்கும் சீயான் 60 படத்தில் அவர் முக்கிய ரோலில் நடிப்பதாக அறிவிப்பு வெளியானது. அந்த படத்தில் தான் முதல் முறையாக அவர் அப்பா விக்ரம் உடன் இணைந்து நடிக்கிறார்.

சமீபத்தில் துருவ் இன்ஸ்டாகிராமில் வெளியிட்டு இருக்கும் சில புகைப்படங்கள் ரசிகர்களை அதிகம் கவர்த்து வருகிறது. அதில் ஒரு பதிவில் தான் ஷூட்டிங் செல்வதை மிஸ் செய்வதாக தெரிவித்து இருந்தார்.

இந்நிலையில் தற்போது துருவ் பற்றி மேலும் ஒரு தகவல் உலா வருகிறது. பரியேறும் பெருமாள் பட புகழ் மாரி செல்வராஜ் உடன் விக்ரம் கூட்டணி சேர உள்ளார் என கூறப்படுகிறது. தற்போது தனுஷின் கர்ணன் படத்தை இயக்கி வரும் மாரி செல்வராஜ் அதன் 90 சதவீத படப்பிடிப்பை முடித்து விட்டார். மீதம் இருக்கும் பணிகளும் விரைவில் முடிக்கப்படும் என எதிர்பார்க்கப்படுகிறது.

வரும் செப்டம்பர் 23ம் தேதி துருவ் விக்ரமின் பிறந்த நாள் அன்று மாரி செல்வராஜ் உடன் இணையும் படம் பற்றிய அதிகார்பூர்வ அறிவிப்பு வெளிவரலாம் என எதிர்பார்க்கப்படுகிறது. துருவ் பிறந்தநாள் ஸ்பெஷல் ட்ரீட்டாக இதை அறிவிக்க தயாரிப்பாளர் முடிவெடுத்து இருப்பதாக தெரிகிறது. அது மட்டுமின்றி சீயான் 60 படக்குழுவும் ஸ்பெஷல் போஸ்டர் துருவ் பிறந்தநாளுக்கு வெளியாகலாம் என்றும் தெரிகிறது.

கோரோனா லாக் டவுன் போடப்படாமல் இருந்திருந்தால் சில மாதங்களுக்கு முன்பே துருவ் - மாரி செல்வராஜ் இணையும் இந்த படத்தின் ஷூட்டிங் துவங்கி இருக்கும். துருவ் தற்போது தான் உடற்பயிற்சி செய்யும் போட்டோக்கள் சிலவற்றையும் இன்ஸ்டாகிராமில் அதிகம் பகிர்ந்து வருகின்றனர். அதில் அவர் ஃபிட்டாக இருப்பது ரசிகர்களை அதிகம் கவர்ந்து வருகிறது.

மாரி செல்வராஜ் தற்போது இயக்கி வரும் கர்ணன் படம் உண்மை சம்பவங்களின் அடிப்படையில் உருவாகி வருகிறது. அந்த படத்தின் ஷூட்டிங்கிற்காகவே ஒரு கிராமம் போன்ற செட் முழுமையாக உருவாக்கப்பட்டு இருந்தது மேக்கிங் வீடியோவில் காட்டப்பட்டு இருந்தது.