துருவ நட்சத்திரத்தில் விக்ரம் ஹீரோயின் யாரு தெரியுமா?

கெளதம் மேனன் இயக்கத்தில் உருவாகும் 'துருவ நட்சத்திரம்' படத்தில் விக்ரமின் ஹீரோயினாக அனு இம்மானுவேல் ஒப்பந்தம் செய்யப்பட்டுள்ளார்.

மிகவும் எதிர்பார்க்கப்பட்ட ‘ துருவ நட்சத்திரம்’ திரைப்படத்தின் படப்பிடிப்பு தீவிரமடைந்துள்ளது.தினந்தோறும் அந்த படத்தின் ஸ்டில்ல் ஒன்றை வெளியிட்டு எதிர்பார்ப்பை எகிற வைத்து வருகிறார் கெளதம் மேனன்.

இந்த படத்தில் விக்ரமின் கதாநாயகி யார் என்ற குழப்பம் அதிகரித்து வந்தது.எப்போதும் போல இந்த படத்திலும் புதுமுகம் அறிமுகப்படுத்தப்படுகிறார் என கூறப்பட்டது.இந்நிலையில் அதை உண்மையாக்கும் விதத்தில் நடிகை அனு இம்மானுவேல் இந்த படத்தில் கதாநாயகியாக ஒப்பந்தம் செய்யப்பட்டுள்ளார்.

அனு இம்மானுவேல் தெலுங்கில் வெளிவந்த மஞ்சு திரைப்படத்தின் மூலமாக பிரபலமானவர்.ஆனால் துருவ நட்சத்திரம் படத்தின் கதாநாயகி இவர்தான் என இன்னும் அதிகாரப்பூர்வ அறிவிப்பு இன்னும் வெளியாகவில்லை.இந்த படத்தில் விக்ரமிற்கு இரண்டு கதாநாயகிகள் என்ற பேச்சும் அடிபடுகிறது.

தற்போது விஷால் நடிப்பில் உருவாகி வரும் ‘ துப்பறிவாளன் ’ திரைப்படத்தில் அனு இம்மானுவேல் ஹீரோயினாக நடித்து வருகிறார்.இது தவிர சில தெலுங்கு படத்திலும் அவர் கமிட்டாகி உள்ளார்.இந்த படங்களை எல்லாம் முடித்துவிட்டு அடுத்த மாதம் துருவ நட்சத்திரம் படப்பிடிப்பில் அவர் கலந்து கொள்வார் என கூறப்படுகிறது.

துருவ நட்சத்திரம் படத்தில் உளவாளியாக விக்ரம் நடிக்கிறார்.ஏ.ஆர்.ரகுமான் இந்த படத்திற்கு இசையமைக்க உள்ளார் என கூறப்படுகிறது.

Dhruva Natchathiram heroine is Anu Emmanuel