ஹிந்தியில் ரீமேக்காகும் 'துருவங்கள் 16'

சென்னை: அறிமுக இயக்குனர் கார்த்திக் நரேன் இயக்கத்தில் ரகுமான் நடித்து வெளியான 'துருவங்கள் 16' திரைப்படம் அமோக வரவேற்பை பெற்றது.

இந்நிலையில், இப்படம் தெலுங்கு மற்றும் மலையாளத்தில் டப் செய்யப்பட்டு ஆந்திரா, தெலங்கானா மற்றும் கேரளா உள்ளிட்ட மாநிலங்களில் வெளியாகி நல்ல வரவேற்பை பெற்று வருகிறது.

தற்போது ஹிந்தியில் ரீமேக் ஆகவிருப்பதாக தகவல்கள் வெளியாகியுள்ளன. இது குறித்த தகவலை இயக்குனர் நரேன் கார்த்திக் தனது சமூக வலைத்தள பக்கத்தில் பகிர்ந்துள்ளார். 'பாலிவுட்டின் முன்னணி நடிகர் ஒருவர் 'துருவங்கள் 16' ஹிந்தி ரீமேக்கில் நடிக்கவிருப்பதாக கூறி தனது மகிழ்ச்சியை பகிர்ந்துக் கொண்டுள்ளார்.

கார்த்திக் நரேன் இயக்கத்தில் அடுத்ததாக உருவா​கிவரும் 'நரகாசூரன்' திரைப்படத்தின் படப்பிடிப்பு பணிகள் நடந்து வருவதால் தற்போதைக்கு ஹிந்தி ரீமேக் உருவாக வாய்ப்பில்லை. ஆனால், 'நரகாசுரனை' முடித்துவிட்டு ஹிந்தி ரீமேக் எடுக்க ஆவலுடன் இருப்பதாக அவர் தெரிவித்துள்ளார்.

இப்படம் ஹிந்தியில் ரீமேக்காகும் பட்சத்தில், அமிதாப் பச்சன், ஆமிர் கான், நவாஸுதீன் சித்திக், நஸீருத்தீன் ஷா உள்ளிட்டோரில் யாரேனும் நடிக்க வாய்ப்பிருப்பதாக கூறப்படுகிறது. எனினும், இது குறித்த அதிகாரப்பூர்வ தகவலும் விரைவில் வெளியாகும் என்று எதிர்பபார்க்கப்படுகிறது.

இதனிடையே, இன்னும் ஓரிரு தினங்களில் 'நரகாசூரன்' திரைப்படத்தின் படக்குழு மட்டும் கதாப்பாத்திரங்கள் குறித்த அறிவிப்பு வெளியாகும் என்றும் தெரிவித்துள்ளார்.

After getting the Super hit verdict in Tamil, Dhuruvangal 16 directed by Karthick Naren is all set to foray into Bollywood. Now this film will be remade in Hindi. The excited Karthick took to his social media platform to share his happiness. His comments suggest that a top actor from Bollywood is expected to be on board.