அஜீத் படத்தில் ரித்திகா சிங்?

அஜீத்தின் அடுத்த படத்தில் ரித்திகா சிங் நடிக்கவிருப்பதாக கூறப்படுகிறது.

அஜீத் அடுத்து நடிக்கவிருக்கும் தனது 57-வது படத்தில் ‘இறுதிச்சுற்று’ படத்தின் நாயகி ரித்திகா சிங் நடிக்கவிருப்பதாக செய்திகள் வெளியாகியுள்ளது. அஜீத்தின் 57-வது படத்தை ‘சிறுத்தை’ சிவா இயக்கவிருக்கிறார் என்பது அனைவருக்கும் தெரிந்ததே. இப்படத்தின் படப்பிடிப்பு விரைவில் தொடங்கவிருக்கிறது. இந்நிலையில், இப்படத்தில் அஜீத்துக்கு ஜோடியாக யார் நடிப்பார்? என்ற கேள்வி கோலிவுட் வட்டாரத்தில் பரவி வந்தது.

இந்நிலையில், சமீபத்தில் இப்படத்தில் அனுஷ்கா நடிக்கப்போவதாக செய்திகள் வெளிவந்தது. ‘என்னை அறிந்தால்’ படத்தில் அஜீத்துடன் அனுஷ்கா நடித்திருந்தார். இந்த படத்தின் மூலம் மீண்டும் இணையப்போவதாகவும் செய்திகள் வெளிவந்தது. தற்போது, அனுஷ்காவுடன், ‘இறுதிச்சுற்று’ படத்தில் நடித்த ரித்திகா சிங்கும் இப்படத்தில் நடிக்கப்போவதாக செய்திகள் வெளியாகியுள்ளது. ‘வேதாளம்’ படத்தில் சந்தானத்தை கழட்டிவிட்டு சூரியை காமெடிக்கு போட்ட சிறுத்தை சிவா, இந்த படத்தில் சூரியை கழட்டிவிட்டு கருணாகரனை காமெடிக்கு போட்டுள்ளதாக கூறப்படுகிறது.

அனிருத் இசையமைக்கவிருக்கிறார் என்பது ஏற்கெனவே உறுதியான செய்திதான். இருந்தாலும், ரித்திகா சிங், அனுஷ்கா, கருணாகரன் ஆகியோர் நடிக்கிறார்களா? என்பது குறித்த அதிகாரப்பூர்வ செய்தி விரைவில் வெளியாகும் என எதிர்பார்க்கப்படுகிறது.