விரைவில் தெலுங்கு ரெமோ ரிலீஸ்?

சிவகார்த்திகேயன் நடித்துள்ள ரெமோ படம், தமிழ் மொழியில் சிறப்பான வரவேற்பை பெற்றுவரும் நிலையில், அதனை தெலுங்கில் வெளியிடும் பணிகளை, பிரபல தயாரிப்பாளர் தில் ராஜூ வேகப்படுத்தியுள்ளார்.

சிவகார்த்திகேயன், கீர்த்தி சுரேஷ் உள்ளிட்டோர் நடிப்பில் வெளியாகியுள்ள ரெமோ படம், ரசிகர்களின் அமோக ஆதரவை பெற்று, வசூல் சாதனை படைத்து வருகிறது. இந்த படத்தின் தெலுங்கு டப்பிங் உரிமையை தில் ராஜூ வாங்கியுள்ளார்.

தமிழில் ரிலீசான தேதியிலேயே, தெலுங்கிலும் வெளியாகும் என எதிர்பார்த்த நிலையில், தமிழ் பதிப்பின் வசூல் எப்படியிருக்கும் என்பதை பார்த்தபிறகே, தெலுங்கு வெளியீட்டுக்கான பணிகளை, தில் ராஜூ துவங்கியுள்ளார். எனினும், வேகமாக டப்பிங் பணிகள் நடைபெற்று வருவதாகவும், அடுத்த சில நாட்களிலேயே, தெலுங்கு ரெமோ வெளியாகும் எனவும் அவர் நம்பிக்கையுடன் கூறியுள்ளார்.

சிவகார்த்திகேயன் வளர்ந்து வரும் நடிகர் என்பதால், அவரை பிரமாண்ட எதிர்பார்ப்புடன் தெலுங்கு மொழியில் அறிமுகம் செய்யப் போவதாகவும் தில் ராஜூ குறிப்பிட்டுள்ளார்.