அல்போன்ஸ் புத்ரன் இயக்கத்தில் சித்தார்த் - காளிதாஸ்!

நடிகர்கள் சித்தார்த்தும், காளிதாஸும், அல்போன்ஸ் புத்திரன் இயக்கத்தில் ஒரு படத்தில் நடிக்கவுள்ளனர்.

இயக்குனர் அல்போன்ஸ் புத்திரன் கடந்த இரண்டு வருடங்களுக்கு முன் மலையாளத்தில் ‘பிரேமம்‘ என்கிற சூப்பர் டூப்பர் ஹிட் படத்தை கொடுத்தார். அந்தப்படம் வெளியாகி இரண்டு ஆண்டுகள் கழிந்த நிலையில் தனது அடுத்த படத்தின் அறிவிப்பை வெளியிட்டார். தனது அடுத்த படம் தமிழில் தான் என்றார்.

தற்போது இந்தப்படத்தில் சித்தார்த்தும், காளிதாஸ் ஜெயராமும் கதாநாயகர்களாக நடிக்கிறார்கள் என்கிற தகவல் வெளியாகியுள்ளது. சித்தார்த்தும் அல்போன்ஸ் புத்ரனும் பல வருடங்களாக நெருங்கிய நண்பர்கள்.

இந்த புதிய படத்திற்கான ஆயத்த பணிகள் சென்னையில் நடைபெற்று வருகின்றன. இந்தப் படத்தை தமிழ் மற்றும் மலையாளம் என இருமொழிகளில் எடுக்கவுள்ளார் அல்போன்ஸ் புத்ரன். இந்தப் படத்தில் தன்னுடைய பணியாற்றிய ஒளிப்பதிவாளர் ஆனந்த் சி.சந்திரன் மற்றும் இசையமைப்பாளர் ராஜேஷ் முருகேசன் ஆகியோரும் இணையவுள்ளார்கள்.