Vijay Birthday: அடுத்தடுத்து டிரீட் கொடுக்கும் விஜய்: ஃபர்ஸ்ட் லுக்கோடு சிங்கிள் டிராக் வெளியீடு?

தளபதி63 படத்தின் ஃபர்ஸ்ட் லுக் போஸ்டர் வெளியாவதோடு, படத்தின் முதல் இரு சிங்கிள் டிராக் பாடலும் வெளியாகும் என்று எதிர்பார்க்கப்படுகிறது.

விஜய் தளபதி 63 படத்தை இயக்குநர் அட்லி இயக்கி வருகிறார். மிகப்பிரமாண்டமான பொருட் செலவில் உருவாகி வரும் இப்படத்தில் விஜய் கால்பந்து பயிற்சியாளராக நடித்து வருகிறார். விஜய் இந்தப்படத்தில் இரு வேடத்தில் நடிக்கிறார் எனும் செய்தி சில நாடகளுக்கு முன் வெளிவந்தது. இதுவரை இப்படத்திற்கு பெயர் வைக்கப்படவில்லை. வரும் 22ம் தேதி விஜய்யின் பிறந்த நாளன்று படத்தின் ஃபர்ஸ்ட் லுக் வெளியாகும் என்று ஆவலுடன் எதிர்ப்பார்த்து வந்தனர்.

இந்நிலையில் ஏ ஆர் ரஹ்மான் தன் டுவிட்டர் பக்கத்தில் அட்லி தன் ஸ்டூடியோவில் பாடல் கேட்கும் படத்தை பகிர்ந்து, விஜய் 63 படத்தின் முதல் இரண்டு பாடலை எடிட் செய்யும் வாய்ப்பு எனக்கே என பதிவிட்டுள்ளார். இதனால் வரும் 22ம் தேதி படத்தின் முதல் இரணடு சிங்கிள் வெளியிடப்படலாம் எனத் தெரிகிறது.

இந்தப்படம் இப்போது வைரலாக ரசிகர்களிடையே பரவி வருகிறது. விஜய் ரசிகர்கள் படத்தின் பாடல் கேட்கும் உற்சாகத்தில் உள்ளார்கள். விஜய்யின் கடந்த இரண்டு படங்களுக்குமே ஏ ஆர் ரஹ்மானே இசையமைத்திருந்தார். இரண்டு படங்களும் மெகா ஹிட் ஆகியிருந்தது. இந்தப்படமும் மெகா ஹிட் என ரசிகர்கள் கூறி வருகிறார்கள்.