நடிகர்களை வாட்டி வதைத்த பிரபல இயக்குநர்!

‘துருவ நட்சத்திரம்‘ படப்பிடிப்பில் 55 டிகிரி வெயிலில் நடிகர் விக்ரம் உள்ளிட்ட சக நடிகர்களை வாட்டி வதக்கி எடுத்துள்ளார் இயக்குனர் கௌதம் மேனன்.

நடிகர் விக்ரமை வைத்து கௌதம் மேனன் இயக்கி வரும் படம் ‘துருவ நட்சத்திரம்’. மேலும் படத்தில் ரிது வர்மா, ஐஸ்வர்யா ராஜேஷ், பார்த்திபன், ராதிகா, சிம்ரன் மற்றும் பலர் நடிக்கின்றனர். இந்தப் படத்தின் படப்பிடிப்பு பல்கேரியாவில் 20 நாட்களாக நடைபெற்று வந்தது. நேற்றுடன் படப்பிடிப்பு முடிவடைந்து விட்டது. பல்கேரியாவில் தற்போது 55 டிகிரி வெயில் சுட்டெரித்துக் கொண்டிருக்கிறது. இந்த .சுட்டெரிக்கும் வெயிலில் அனைத்து நட்சத்திரங்களும் கலந்து கொண்டு திட்டமிட்டபடி படப்பிடிப்பை முடித்துக் கொடுத்தது படக்குழுவை ஆச்சரியப்படுத்தியுள்ளது.

மேலும் சில ஐரோப்பிய நாடுகளில் இப்படத்தின் படப்பிடிப்பு நடைபெற உள்ளதாகத் தகவல்கள் தெரிவிக்கின்றன. கடந்த வருட மத்தியில் ஆரம்பமான இப்படத்தின் படப்பிடிப்பு விக்ரம் ‘ஸ்கெட்ச்‘ படப்பிடிப்புக்குச் சென்றதால் சின்ன இடைவெளி விழுந்தது. ‘ஸ்கெட்ச்‘ படப்பிடிப்பை விக்ரம் முடித்ததும், ‘துருவ நட்சத்திரம்‘ படப்பிடிப்பை உடனே ஆரம்பித்துவிட்டனர். தொடர்ந்து விக்ரம் இப்படத்தின் படப்பிடிப்பை முடித்துக் கொடுக்கவுள்ளார். இந்தப் படத்திற்குப்பிறகுதான் ‘சாமி 2’ படத்தில் நடிக்க உள்ளார்.

கௌதம் மேனன் தனுஷை வைத்து இயக்கிய ‘எனை நோக்கி பாயும் தோட்டா’ படத்தின் எல்லா வேலைகளும் முடிந்தும் படம் இன்னும் வெளியாகமல் இருப்பதற்கு என்ன காரணம் என்று தெரியவில்லை.