விருமாண்டி, டை ஹார்ட் படங்களை மையப்படுத்திய கைதி: லோகேஷ் கனகராஜ்!

மாநகரம் புகழ் இயக்குநர் லோகேஷ் கனகராஜ் இயக்கத்தில் ஹீரோய்ன் இல்லாமல் உருவாக்கப்பட்ட படம் கைதி. கார்த்தி, நரேன் ஆகியோர் முன்னணி ரோலில் நடித்துள்ளனர். இவர்களுடன் இணைந்து தீனா, யோகி பாபு, பொன்வண்ணன், தலைவாசல் விஜய், கிருஷ்ணமூர்த்தி ஆகியோர் பலர் நடித்துள்ளனர். ட்ரீம் வாரியர்ஸ் நிறுவனம் தயாரித்துள்ள இப்படத்திற்கு சாம் சிஎஸ் இசையமைத்துள்ளார்.

இரவில் நடக்கும் சம்பவங்களை அடிப்படையாகக் கொண்டு ஆக்‌ஷன் த்ரில்லர் கதையாக கொடுத்திருக்கிறார். இப்படம் வரும் 25 ஆம் தேதி தீபாவளி பண்டிகையை முன்னிட்டு திரைக்கு வருகிறது.
இந்த நிலையில், இப்படம் குறித்து இயக்குநர் லோகேஷ் கனகராஜ் கூறுகையில், இந்தப் படம் இரண்டு முக்கிய படங்களை முன்னுதாரணமாக கொண்டு உருவாக்கப்பட்டுள்ளது. அது, கமல் ஹாசனின் விருமாண்டி மற்றும் ஹாலிவுட் படமான டை ஹார்ட் ஆகும். இந்த இரு படங்களுக்குமே டைட்டில் கார்டில் கௌரவம் அளிக்கப்பட்டுள்ளது என்று அவர் தெரிவித்துள்ளார்.

கைதி படம் வெளியாகும் தேதியில் விஜய்யின் பிகில் படமும் திரைக்கு வருகிறது. இதனால், இரு படங்களுக்குமே அதிக திரையரங்குகள் கிடைப்பதில் சிக்கல் ஏற்பட்டுள்ளது. எனினும், பிகில் படத்திற்கே அதிக திரையரங்குகள் கிடைத்து வருவதோடு, முன்பதிவும் களைகட்டியுள்ளது.