ஆர்.ஜே.பாலாஜிக்கு இதுதேவையா? பகுத்தறிவு டுவிட் போட்டதற்கு செம டோஸ் கொடுத்த நவீன்!

பிரபு இயக்கத்தில் ஆர்.ஜே.பாலாஜி நடிப்பில் வெளியான திரைப்படம் ‘எல்.கே.ஜி’. தற்கால அரசியல் சூழலை கிண்டலடிக்கும் வகையில் கதைக்களம் உருவாக்கப்பட்டுள்ளது. தமிழகத்தின் அரசியல் தலைவர்கள் பலரையும் இதில் விமர்சித்துள்ளனர்.

இதற்கு கடும் எதிர்ப்பு கிளம்பும் என்று எதிர்பார்க்கப்பட்டது. ஆனால் தேர்தல் வருவதால் யாரும் எந்தவித வம்பிலும் ஈடுபடவில்லை என்று தெரிகிறது. எல்.கே.ஜி படத்தின் காட்சிகளை அவ்வப்போது தனது டுவிட்டர் பக்கம் மூலம் ஆர்.ஜே.பாலாஜி பகிர்ந்து வருகிறார்.

இந்நிலையில் சமீபத்தில் பகிர்ந்து கொண்ட பதிவு, பெரும் சர்ச்சையை கிளப்பியுள்ளது. அதாவது, தமிழர்களின் பகுத்தறிவு என்று படத்தில் இடம்பெற்ற ஒரு காட்சியை பதிவிட்டுள்ளார்.

அதில் வீட்டிற்குள் கடவுளை வழிபட்டாலும், வெளியில் தெரியும் வகையில் பெரியார் படங்களை வைத்துக் கொண்டு பகுத்தறிவு என்று பிறர் அறியும் வகையில் நடந்து கொள்ள வேண்டும் என்று கூறப்பட்டுள்ளது. இது பகுத்தறிவாளர்களை பாதிக்கும் வகையில் இடம்பெற்றுள்ளது.

இந்தப் பதிவிற்கு பலரும் தங்கள் கண்டனங்களை பதிவிட்டு வருகின்றனர். இந்நிலையில் மூடர்கூடம் படத்தின் இயக்குநர் நவீன், ஆர்.ஜே.பாலாஜி டுவிட்டிற்கு பதிலளித்துள்ளார். அதில் படத்தின் வெற்றிக்கு வாழ்த்துகள்.

ஆனால் வீட்டிற்குள் ஒன்றும் வெளியில் ஒன்றுமாய் இருப்பதல்ல எங்கள் தமிழகத்தின் பகுத்தறிவு. ஆத்திகரே அதிகம் இருக்கும் இம்மண்ணில் சாஸ்திரம் கூறும் மடமைகள் புகாமல் காத்து நிற்பதே எங்கள் பகுத்தறிவு என்று தக்க பதிலடி கொடுத்துள்ளார்.