பல கோடியில் சம்பளம் கேட்கும் நெல்சன்: ஆச்சரியத்தில் வாய் பிளக்கும் கோலிவுட்!

'டாக்டர்' படத்தை தொடர்ந்து சன் பிக்சர்ஸ் தயாரிப்பில் விஜய் நடிக்கும் 'பீஸ்ட்' படத்தை இயக்கி வருகிறார் நெல்சன் திலீப்குமார். இந்த படத்தின் முதல்கட்ட படப்பிடிப்பு கடந்த ஏப்ரல் மாதம் ஜார்ஜியாவில் துவங்கியது. ஏப்ரல் மாதம் இந்தப்படத்தை வெளியிட திட்டமிட்டுள்ளனர் படக்குழுவினர்..

கோலமாவு கோகிலா, டாக்டர் படங்களை தொடர்ந்து விஜய் நடிப்பில் 'பீஸ்ட்' படத்தை இயக்கியுள்ளார் நெல்சன் திலீப்குமார். கடந்த ஜூலை 1 ஆம் தேதியில் இருந்து 'பீஸ்ட்' படத்தின் இரண்டாம் கட்ட படப்பிடிப்பு துவங்கியது. அப்போது விஜய் சம்பந்தமான காட்சிகளும், பாடல் காட்சி ஒன்றும் படமாக்கப்பட்டதாக தகவல்கள் வெளியாகின. பீஸ்ட் படத்தில் விஜய்க்கு ஜோடியாக பூஜா ஹெக்டே நடித்து வருகிறார்.

'பீஸ்ட்' படத்தில் விஜய்க்கு வில்லன்களாக மூன்று பேர் நடிக்க உள்ளதாக கூறப்படுகிறது. மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் இந்த படத்தில் விஜய்க்கு வில்லன்களாக நடித்து வருவகின்றனர். சாணிக் காயிதம் படத்தில் கீர்த்தி சுரேஷ் உடன் நடித்து முடித்துள்ள செல்வராகவன் அடுத்ததாக 'பீஸ்ட்' படத்தில் விஜய்யுடன் நடிக்கிறார்.

சோகத்துக்கு மத்தியில் வெளியான நல்ல செய்தி: ஹாப்பி மூடில் ரஜினி ரசிகர்கள்!
அண்மையில் 'பீஸ்ட்' படப்பிடிப்பு நூறாவது நாள் நிறைவடைந்ததை அட்டகாசமான புகைப்படம் ஒன்றை வெளியிட்டு படக்குழுவினர் கொண்டாடினர். அதனை தொடர்ந்து அண்மையில் 'பீஸ்ட்' படத்தில் விஜய் சம்பந்தமான காட்சிகள் முழுவதுமாக நிறைவடைந்துள்ளதாக புகைப்படம் ஒன்றை வெளியிட்டு படக்குழுவினர் அதிகாரப்பூர்வமாக அறிவித்தனர்.

'டாக்டர்' படத்தின் பிரம்மாண்ட வெற்றிக்கு பிறகு நெல்சனின் 'பீஸ்ட்' படத்திற்கு ரசிகர்கள் மத்தியில் மிகப்பெரிய எதிர்பார்ப்பு ஏற்பட்டுள்ளது. இதனால் இவரின் மார்க்கெட் கிடுகிடுவென உயர்ந்துள்ளது. இந்நிலையில் நெல்சன் தன்னுடைய சம்பளத்தை 30 கோடியாக உயர்த்தியுள்ளதாக தகவல்கள் வெளியாகியுள்ளன.

'டாக்டர்' படத்தின் வெற்றிக்கு பிறகு சிவ்காரத்திகேயன் தன்னுடைய சம்பளத்தை உயர்த்திய நிலையில் தற்போது நெல்சனும் தன்னுடைய சம்பளத்தை உயர்த்தியுள்ளார். இந்த தகவல் கோலிவுட் வட்டாரத்தில் அதிர்ச்சியை ஏற்படுத்தியுள்ளது.