நாயகி ஷாயிஷாவை புகழ்ந்த இயக்குனர்!

நடிகை ஷாயிஷாவை ‘வனமகன்’ பட இயக்குனர் ஏ.எல்.விஜய் புகழ்ந்துள்ளார்.

ஏ.எல். விஜய் கடைசியாக இயக்கிய படம் ‘தேவி’. இந்தப் படத்தில் பிரபு தேவா - தமன்னா நடித்துள்ளனர். இந்தப் படம் மூன்று மொழிகளில் வெளியானது. தற்போது ஏ.எல்.விஜய் ‘வனமகன்’ என்ற படத்தை இயக்கி வருகிறார். இந்தப் படத்தில் ஜெயம்ரவி நாயகனாகவும் ஷாயிஷா நாயகியாகவும் நடிக்கின்றனர்.

நாயகி ஷாயிஷா ‘அகில்’ என்ற தெலுங்கு படத்தில் அறிமுகமானார். பின்னர் தனது தாய்மொழியான இந்தியில் ‘ஷிவாய்’ என்ற படத்தில் நடித்திருக்கிறார். மூன்றாவதாக தமிழில் ‘வனமகன்’ படத்தில் நடித்துள்ளார். இதையடுத்து பிரபுதேவா தயாரித்து இயக்கும், ‘கறுப்பு ராஜா வெள்ளை ராஜா’ படத்திலும் நாயகியாக நடிக்கிறார்.

மேலும், ‘வனமகன்’ படத்தில் ஷாயிஷா நடிப்பு பற்றி இயக்குனர் ஏ.எல்.விஜய் கூறும்போது, ‘‘வனமகன்" கதையை ஷாயிஷா கேட்டபோது ரொம்பவே இம்பரசாகி விட்டார். அதனால் தனக்கான டயலாக் பேப்பரை ஒரு மாதத்திற்கு முன்பே வாங்கிச்சென்ற அவர், அனைத்தையும் மனப்பாடம் செய்து வந்து நடித்தார். அது டப்பிங் பேசுவதற்கு எளிதாக இருந்தது. மேலும், நடனத்தில் வல்லவர் ஷாயிஷா’’ என்றார் இயக்குனர்.