9 மற்றும் 6ஐ காட்டும் விசித்திரமான கடிகாரத்தை மாமனிதன் விஜய் சேதுபதிக்கு பரிசளித்த பார்த்திபன்!

விசித்திரமாக வடிவமைக்கப்பட்ட கடிகாரம் ஒன்றை விஜய் சேதுபதிக்கு நடிகர் பார்த்திபன் பரிசாக வழங்கியுள்ளார்.

தமிழ் சினிமாவில் எப்போதும் பிஸியாக இருப்பவர் நடிகர் விஜய் சேதுபதி. இவர் ஒரே சமயத்தில் நான்கைந்து படங்களில் நடித்து வருகிறார். இவரது யதார்த்தமான நடிப்புக்கென்றே ஏராளமான ரசிகர்கள் உள்ளனர். அவரை பலருக்கும் பிடிக்கும். கோடிகளில் சம்பளம் வாங்கினாலும் எப்போதும் எளிமையாக காணக்கூடியவர். உடனிருக்கும் பலருக்கும் தானாக உதவி செய்து வருகிறார். அதனால் அவருடன் படம் செய்ய பலரும் விரும்புகிறார்கள்.

தற்போது தமிழை அடுத்து தெலுங்கு மற்றும் மலையாள படங்களிலும் நடித்து வருகிறார். சமீபத்தில் கூட அவரின் நடிப்பில் ‘பேட்ட படம் வெளியானது. கடந்த வருடம் அவரின் நடிப்பில் வந்த படங்களில் ‘96’ படம் நல்ல வரவேற்பைப் பெற்று அவரின் படங்களில் மிக முக்கியமானதாக அமைந்தது. அண்மையில் படத்தின் 100 வது நாள் நிகழ்ச்சி நடைபெற்றது.

இதில் நடிகரும், இயக்குனருமான பார்த்திபனுக்கு அழைப்பு விடுக்கப்பட்டது. இதற்காக அவர் விஜய் சேதுபதிக்கு ஒரு விசித்திரமான கடிகாரம் போன்ற ஒரு கேடயத்தை வழங்கியுள்ளார். அதுவும் 96 படத்தை குறிக்கும் வகையில் 9 மற்றும் 6 ஆகிய எண்கள் மட்டுமே உள்ளன.

ஆனால், விஜய் சேதுபதிக்கு பார்த்திபன் பரிசளித்திருந்த நிலையில், 96 படத்தின் இயக்குனர் பிரேம் குமாருக்கு, விஜய் சேதுபதி ராயல் என்பீல்டு பைக்கை பரிசாக கொடுத்துள்ளார் என்பது குறிப்பிடத்தக்கது.