தாய்க்கு மரியாதை! தேசிய விருது நிகழ்ச்சிக்கு உடன் அழைத்துச்சென்ற இயக்குநர்!!

சிறந்த பிராந்திய மொழி திரைப்படத்திற்கான தேசிய விருது வென்ற ஜோக்கர் படத்தின் இயக்குநர் ராஜூமுருகன் தனது அம்மாவை விருது வழங்கும் நிகழ்ச்சிக்கு அழைத்துச்சென்று பெருமைப்படுத்தினார்.

64வது தேசிய விருதுகள் வழங்கும் விழா டெல்லியில் நடைபெற்றது. குடியரசு தலைவர் பிரணாப் முகர்ஜி விருது வென்ற கலைஞர்களுக்கு விருதுகளை வழங்கி கௌரவித்தார். தமிழ் சினிமாவின் கவிஞர் வைரமுத்து, சினிமா விமர்சகர் தனஞ்செயன், சிறந்த பின்னணி பாடகருக்கான விருதை சுந்தர் ஐயர், சிறந்த நடன இயக்குநர் ராஜூ சுந்தரம் ஆகியோர் விருதுகளை பெற்றனர்.

ஜோக்கர் படம் மூலம் சமூக விழிப்புணர்வை ஏற்படுத்திய இயக்குநர் ராஜூமுருகன் தேசிய விருதை பெற்றுக்கொண்டார். இவர் தனது அம்மாவுடன் தேசிய விருது வழங்கும் நிகழ்ச்சிக்கு சென்று அவரை கௌரவப்படுத்தினார். இயக்குநர் ராஜூமுருகன் குக்கூ படம் மூலம் தமிழ் சினிமாவிற்குள் அறிமுகமானவர். அதற்கு முன்னர் பத்திரிகையாளராக பணியாற்றிய ராஜூமுருகன், வார இதழில் எழுதிய வட்டியும் முதலும் கட்டுரைகள் மூலம் பட்டி தொட்டியெல்லாம் சென்றவர் என்பது குறிப்பிடத்தக்கது.