சிவப்பு மஞ்சள் பச்சை படத்தின் ஃபர்ஸ்ட் லுக் போஸ்டரை வெளியிட்ட இயக்குனர் ஷங்கர்!

இயக்குனர் சசி இயக்கத்தில், உருவாகி வரும் சிவப்பு மஞ்சள் பச்சை படத்தின் ஃபர்ஸ்ட் லுக் போஸ்டரை இயக்குனர் ஷங்கர் வெளியிட்டுள்ளார்.

இயக்குனர் சசி இயக்கத்தில் சித்தார்த், ஜிவி பிரகாஷ் ஆகியோர் நடிப்பில் உருவாகி வரும் படம் சிவப்பு மஞ்சள் பச்சை. இப்படத்தில், சித்தார்த் ஒரு டிராபிக் போலீஸ் அதிகாரியாக நடித்து வருவதாகவும், ஜிவி பிரகாஷ் ஒரு விளையாட்டு வீரர் என்ற கதாபாத்திரத்தில் நடித்து வருவதாகவும் ஏற்கனவே தகவல் வெளியானது. அதோடு, ஜிவி பிரகாஷின் சகோதரியை சித்தார்த் காதலிப்பது போன்று இந்த படத்தின் கதை செல்வதாகவும் கூறப்படுகிறது.

கடந்த ஜனவரி மாதம் துவங்கி விறுவிறுப்பாக நடந்து வந்த படப்பிடிப்பு முடிவுக்கு வந்ததாக நடிகர் ஜி.வி.பிரகாஷ் அவரது ட்விட்டர் பக்கத்தில் பதிவிட்டிருந்தார். இந்த நிலையில், இப்படத்தின் ஃபர்ஸ்ட் லுக் போஸ்டர் வெளியாகியுள்ளது. இதனை இயக்குனர் ஷங்கர் வெளியிட்டுள்ளார். இந்த ஃபர்ஸ்ட் லுக் போஸ்டரில், சித்தார்த், கையில் துப்பாக்கி வைத்திருப்பது போன்றும், ஜிவி பிரகாஷ் முகம் முழுவதும் இரத்தக்கறை இருப்பது போன்றும் காட்டப்பட்டுள்ளது என்பது குறிப்பிடத்தக்கது.