அஜீத்தை இயக்கும் இயக்குநர் ஷங்கர்?

தல அஜித்தை வைத்து படம் இயக்க இயக்குநர்கள் அனைவரும் போட்டி போடுவார்கள் என்பது அனைவரும் அறிந்ததே. தற்போது சிறுத்தை சிவா இயக்கத்தில் தல 57 என்ற பெயரில் அஜித் நடித்துவருகிறார். இந்த படத்தின் படப்பிடிப்பு முதல் ஷெட்யூல் முடிந்து இரண்டாவது ஷெட்யூல் நடைபெற்றுவருகிறது. சிவா இயக்கிய வீரம், வேதாளம் படங்கள் பெரும் வெற்றி பெற்றதால் அடுத்து அஜித்துடன் இவர் இணையும் படத்திற்கு பெரும் எதிர்பார்ப்பு நிலவுகிறது.

தல 57 படத்தில் காஜல் அகர்வால், அக்ஷரா ஹாசன் ஆகியோர் நடித்துள்ளனர். பாலிவுட் நடிகர் விவேக் ஓபராய் வில்லனாக நடிக்கிறார் என்று சமீபத்தில் படக்குழுவினர் அறிவித்தனர். படத்திற்கு அனிருத் இசை அமைக்கிறார். இந்த படத்தை தொடர்ந்து அஜித்தை ஏ.ஆர்.முருகதாஸ் இயக்குவார் என்று செய்தி வெளியான நிலையில், தற்போது இயக்குநர் ஷங்கர் அஜித்தை அடுத்த படத்தில் இயக்கவுள்ளார் என்று தற்போது தகவல் வெளியாகியுள்ளது. ஆனால் அதிகாரப்பூர்வமான அறிவிப்பு எதுவும் வெளியாகவில்லை.