தல அஜித்துக்கு சிக்ஸ் பேக்ஸ் கிடையாதா? விளக்கம் கொடுத்த சிவா

விவேகம் படத்தின் அஜித்தின் சிக்ஸ் பேக்ஸ் குறித்து ஏற்பட்டுள்ள சர்ச்சைக்கு இயக்குனர் சிவா விளக்கம் கொடுத்துள்ளார்.

சிறுத்தை சிவா இயக்கத்தில் 3வது முறையாக இணைந்து விவேகம் படத்தில் நடித்துள்ளார் தல அஜீத். இப்படத்தின் ஃபர்ஸ்ட் லுக் போஸ்டரில் அஜித்தின் சிக்ஸ் பேக் வைத்து அசத்தியிருந்தார். இப்படத்தை எப்போது திரையில் பார்க்கப் போகிறோம் என்று தல ரசிகர்கள் ஆவலுடன் காத்திருக்கின்றனர். அவரை பிடிக்காதவர்கள் மட்டும் தல அஜித் சிக் பேக்ஸ் வைக்கவில்லை. இது எல்லாம் கிராபிக்ஸ் என்று கூறி வந்தனர். இதன் காரணமாக தல ரசிகர்களுக்கும், அஜித்தை பிடிக்காதவர்களுக்கும் இடையில் மோதம் ஏற்பட்டது.

இந்நிலையில், இந்த சர்ச்சை குறித்து இயக்குனர் சிவா கூறுகையில், அஜித்தின் சிக்ஸ் பேக்ஸை கிராபிக்ஸ் என்று கூறுவது பற்றி எங்களுக்கு கவலையில்லை. வேலையை விட்டுவிட்டு அவர்களுக்குப் பதில் அளித்துக் கொண்டிருந்தால் நம்முடைய வேலை தான் கெடும். எங்களால் முடிந்தவரை அனைத்து வேலைகளையும் சிறப்பாக செய்கிறோம். உழைப்புக்கு ஏற்ற மரியாதையும், அங்கீகாரமும் எங்களுக்கு விரைவில் கிடைக்கும் என்று நம்பிக்கை தெரிவித்துள்ளார் இயக்குனர் சிவா.