ஒரே நேரத்தில் மோகன்லால், ரஜினிகாந்த் படங்களில் நடிக்கும் சிறுத்தை சிவா தம்பி

ரஜினியின் அடுத்த படத்தில், சிறுத்தை சிவாவின் தம்பி, நடிகர் பாலா இணைந்துள்ளார் என அறிவிக்கப்பட்டுள்ளது.

ரஜினி நடிக்கும் படத்தை சிறுத்தை சிவா இயக்கி வருகிறார். இந்த படத்துக்கு அண்ணாத்த என பெயர் வைத்துள்ளனர் என்பதை அந்த படத்தின் தயாரிப்பு நிறுவனமான சன் பிக்சர்ஸ் நிறுவனம் அறிவித்துள்ளது. பெரிய அளவில் விளம்பரமின்றி திடீரென அறிவித்து ரசிகர்களுக்கு அதிர்ச்சியை ஏற்படுத்தியது. முன்னதாக, படத்தில் ஒவ்வொரு நடிகர்களாக சேர்க்கப்பட்டதும், என்னது சிறுத்தை சிவா - ரஜினி படத்துல இத்தனை நடிகர்கள் இருக்காங்க என ரசிகர்கள் வியந்துள்ளனர்.

நடிகர் பாலா, முன்னதாக அஜித் நடிப்பில் சிறுத்தை சிவா இயக்கத்தில் வெளியாகியிருந்து வீரம் படத்தில் 4 தம்பிகளுள் ஒருவராக நடித்திருந்தார். இப்போது அண்ணாத்த படத்தில் முக்கிய கதாபாத்திரத்தில் நடிக்கவுள்ளதாக தெரியவந்துள்ளது. இதனால் வாய்ப்பு கிடைக்காத தம்பிக்கு அண்ணன் தனது படங்களில் த வாய்ப்பு வழங்கி வருகிறார் எனும் பேச்சும் எழுந்துள்ளது.

அண்ணாத்த படத்துக்கு இமான் இசையமைக்கிறார். முன்னதாக தீபாவளி விருந்தாக இந்த படம் வெளியாகும் என தகவல் வெளியானது. பின்னர் இது ஆயுத பூசைக்கு வெளியாகும் எனவும் கூறப்படுகிறது.

இதனிடையே, பாலா மலையாளத்தில் மோகன்லால் படமொன்றில் நடித்துவருகிறார். ஒரே நேரத்தில் தமிழ், மலையாள சினிமாக்களில் அதுவும் சூப்பர் ஸ்டார் படங்களில் நடித்து வருகிறார் பாலா.