பிக்பாஸ் ஜோடி நடிக்கும் படத்ததை தொடங்கி வைத்த வெங்கட் பிரபு!

பிக்பாஸ் சீசன் 2வில் கலந்து கொண்டவர்களில் மிகவும் முக்கியமானவர்கள் நடிகர் மகத்தும், நடிகை ஐஸ்வர்யாவும்தான். பிக்பாஸ் வீட்டில் இவர்கள் இருவரும் இருக்கும்போதே மிக நெருக்கமாக இருந்தார்கள். தற்போது இவர்கள் இருவரும் ஜோடியாக ஒரு படத்தில் நடித்து வருகின்றனர். இந்த படத்தை அறிமுக இயக்குனர் பிரபுராம் இயக்கி வருகிறார்.

இந்த நிலையில் இந்த படத்தின் படப்பிடிப்பு இன்று பூஜையுடன் தொடங்கியது. இன்று நடைபெற்ற பூஜையில் மகத், ஐஸ்வர்யா உள்பட படக்குழுவினர் அனைவரும் கலந்து கொண்டனர். இந்தப் படத்தின் முதல் ஷாட்டை இயக்குனர் வெங்கட்பிரபு கிளாப் அடித்து தொடங்கி வைத்தார். இந்தப் படத்தின் இயக்குனர் பிரபு ராம், வெங்கட்பிரபுவின் உதவியாளர் என்பது குறிப்பிடத்தக்கது.

இந்தப் படத்தில் நடிகர் மகத், வடசென்னை இளைஞராகவும், நடிகை ஐஸ்வர்யா, அவரை காதலிக்கும் பணக்கார பெண்ணாகவும் நடிக்கின்றனர். இந்த படம் காதல் லீலை மற்றும் நகைச்சுவையுடன் கூடியது மட்டுமின்றி கிளைமாக்ஸில் இன்றைய இளைஞர்களுக்கு தேவையான ஒரு நல்ல மெசேஜ் சொல்லப்படும் வகையில் இருக்கும் என இயக்குனர் பிரபுராம் தெரிவித்துள்ளார்.