Jailer: "வா நண்பா வா".. மாஸ் காட்டு: நெல்சனுக்கு வேற லெவலில் வாழ்த்து தெரிவித்த விக்கி.!

ரஜினியின் 'அண்ணாத்த' படம் பலவித நெகட்டிவ் விமர்சனங்களை தாண்டி பாக்ஸ் ஆபிஸில் வசூல் சாதனையை படைத்தது. ஆனாலும் ரஜினி ரசிகர்களுக்கு இந்தப்படம் பலத்த ஏமாற்றத்தை அளித்தது. இதனை தொடர்ந்து ரஜினியின் அடுத்த பட இயக்குனர்களின் பட்டியலில் பல இளம் இயக்குனர்களின் பெயர்கள் அடிப்பட்டது.

இந்நிலையில் யாரும் எதிர்பார்க்காத விதமாக ரஜினியின் 'தலைவர் 169' பட அப்டேட் வெளியானது. சன் பிக்சர்ஸ் தயாரிப்பில் அனிருத் இசையில் தனது 169 ஆவது படத்தில் ரஜினி நடிக்கவுள்ளதாக அதிகாரப்பூர்வ அறிவிப்பு வெளியானது. கோலமாவு கோகிலா, டாக்டர், பீஸ்ட் படங்களின் இயக்குனருடன் ரஜினி இணைந்துள்ளது ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

விஜய்யின் 'பீஸ்ட்' படம் வெளியாவதற்கு முன்பாகவே ரஜினியை இயக்கும் வாய்ப்பை கைப்பற்றினார் நெல்சன். கடந்த ஏப்ரல் மாதம் வெளியான 'பீஸ்ட்' படம் குறித்து பலவிதமான நெகட்டிவ் விமர்சனங்கள் இணையத்தில் குவித்தது. இதனால் 'தலைவர் 169' படத்தை இயக்கும் வாய்ப்பு நெல்சன் கையை விட்டு நழுவலாம் என்ற தகவல் வெளியாகி இணையத்தில் பரபரப்பை கிளப்பியது.

மேலும் அண்மையில் வெளியாகி மிகப்பெரிய ஹிட்டடித்த 'விக்ரம்' படத்துடன் 'பீஸ்ட்' படத்தினை ஒப்பிட்டு நெல்சனை கலாய்க்கும் விதமாக பல மீம்ஸ்கள் இணையத்தில் வைரலானது. அதனை தொடர்ந்து லோகேஷும் பேட்டி ஒன்றில் எல்லாரும் தோல்வியை சந்திக்கலாம் என நெல்சனுக்கு ஆதரவாக பேசியிருந்தார். இந்நிலையில் நெல்சன் இயக்கத்தில் ரஜினி நடிக்கும் படத்திற்கு 'ஜெயிலர்' என தலைப்பு வைக்கப்பட்டுள்ளதாக படக்குழுவினர் அறிவித்துள்ளனர்

Samantha: அவர்களால் நான் தூக்கமில்லாமல் தவித்தேன்.. நடிகை சமந்தா வேதனை.!

இதனையடுத்து விக்னேஷ் சிவன், நெல்சனுக்கு வாழ்த்து தெரிவித்து தனது ட்விட்டர் பக்கத்தில் பதிவு ஒன்றை பகிர்ந்துள்ளார். அதில், “வா நண்பா வா… தலைவரோட பெஸ்ட் பிலிமா இது இருக்கும். உன்னுடைய திறமையால் கலக்கு நண்பா” என பதிவிட்டுள்ளார். அவரின் இந்த பதிவு இணையத்தில் வைரலாகி வருகிறது. விக்னேஷ் சிவன் அடுத்ததாக அஜித் நடிப்பில் 'ஏகே 62' படத்தை இயக்கவுள்ளது குறிப்பிடத்தக்கது.