சாருஹாசனுக்கு வாழ்நாள் சாதனையாளர் விருது வழங்க வேண்டும்': மோடிக்கு இயக்குநர் விஜய் ஸ்ரீ கடிதம்

ரஜினிகாந்த்துக்கு நேற்று முன் தினம் மத்திய அரசு வாழ்நாள் சாதனையாளர் விருது அறிவித்திருந்த நிலையில் பலரும் அதற்கு எதிர்ப்பு தெரிவித்து வருகின்றனர்.

இந்த விருது கமல்ஹாசன், மோகன்லால் போன்றவர்களுக்குக் கொடுக்காமல், ஏற்கனவே கொடுத்த ரஜினிக்கு ஏன் மீண்டும் கொடுக்க வேண்டும்? இதற்கு பின்பு அரசியல் உள்ளதா? என்று பல்வேறு கேள்விகளை நெட்டிசன்கள் எழுப்பி வருகின்றனர்.

பிகில் பட நடிகைக்கு இன்ப அதிர்ச்சி கொடுத்த நயன்தாரா

இந்த நிலையில் சாருஹாசன் நடித்த ‘தாதா 87’ என்ற படத்தை இயக்கிய இயக்குநர் விஜய் ஸ்ரீ, இது குறித்து பிரதமர் மோடிக்கு கடிதம் எழுதியுள்ளார்.

அதில் அவர் கூறியிருப்பதாவது,

'1975ல்‌ தமிழ்‌ சினிமாவில்‌ அறிமுகமான சூப்பர் ஸ்டார்‌ ரஜினிகாந்த்‌ அவர்கள்‌ தொடர்ந்து சினிமா துறையில்‌ நடித்து வருகிறார்‌. நேற்று அவருக்கு "வாழ்நாள்‌ சாதனையாளர்‌” விருது மத்திய அரசு அறிவித்ததில்‌ மிகவும்‌ மகிழ்ச்சி. இந்த தருணத்தில்‌ பாரத பிரதமர்‌ நரேந்திர மோடி அவர்களுக்கும்‌, மத்திய அமைச்சர்‌ பிரகாஷ்‌ ஜவடேகருக்கும்‌ எனது நன்றியை தெரிவித்துக்‌ கொள்கிறேன்‌.

உதிரிப்பூக்கள்‌ படத்தின்‌ மூலம்‌ அறிமுகமான திரு சாருஹாசன்‌ அவர்கள்‌ முதுமையில்‌ தனது 90 வயதிலும்‌ தொடர்ந்து நடித்து வருகிறார்‌. இந்திய நடிகர்களிலேயே வயதான நடிகர்‌ என்ற சாதனையையும்‌ வைத்திருப்பவர்‌.


1987ஆம்‌ ஆண்டில்‌ கிரிஷ்‌ கசரவல்லி இயக்கிய ” தபெரனா கதெ ” என்னும்‌ கன்னடத்‌ திரைப்படத்தில்‌ சிறப்பான நடிப்பினை வெளிப்படுத்தி, சிறந்த நடிகருக்கான தேசிய விருது பெற்றார்‌. மேலும்‌ சிறந்த நடிகருக்கான கர்நாடக அரசு திரைப்பட விருதும்‌ பெற்றுள்ளார்‌.

28 ஆண்டுகளுக்கு பிறகு மீண்டும் கோலிவுட்டில் அமலா..

உலக அளவில்‌ பார்க்கும்‌ போதும்‌, 90 வயதில்‌ தற்சமயம்‌ இவர்‌ தான்‌ நடித்து வருகிறார்‌. இந்திய நடிகரின்‌ இந்த சாதனையை உலகம்‌ அறிய செய்ய வேண்டும்‌. சாருஹாசன்‌ அவர்களுக்கு “வாழ்நாள்‌ சாதனையாளர்‌ விருது" வழங்கிட வேண்டும்‌ என்பதே என்னைப்‌ போன்ற சினிமா ஆர்வலர்களின்‌ அன்பான வேண்டுகோள்’ என்று குறிப்பிட்டுள்ளார்.