‘தாதா 87’ பட இயக்குனர் இயக்கத்தில் பிக்பாஸ் ஆரவ் ஒப்பந்தம்!

பிக்பாஸ் வெற்றியாளர் ஆரவ், ‘தாதா 87’ படத்தை இயக்கி வரும் விஜய்ஸ்ரீ இயக்கத்தில் ஒரு படத்தில் ஹீரோவாக நடிக்க ஒப்பந்தமாகியுள்ளார்.

கடந்த வருடம் விஜய் டிவியில் ஒளிபரப்பான ‘பிக் பாஸ்’ நிகழ்ச்சியில் இறுதி வெற்றியாளராக தேர்ந்தெடுக்கப்பட்டவர் நடிகர் ஆரவ். இவர் பிக்பாஸ் போட்டிக்கு முன்பு ‘ஓ காதல் கண்மணி’, ‘சைத்தான்’ ஆகிய படங்களில் சிறிய வேடத்தில் நடித்துள்ளார். தற்போது ஆரவ், ‘மீண்டும் வா அருகில் வா’ என்ற திகில் படத்தில் நடித்து வருகிறார்.

இந்நிலையில், முதன்முதலாக நடிகர் ஆர்வ் ஷோலோ ஹீரோவாக ஒரு படத்தில் நடிக்க ஒப்பந்தமாகியுள்ளார். ‘தாதா 87’ என்ற படத்தை இயக்கிவரும் விஜய்ஸ்ரீ, இந்தப் படத்தை இயக்கவுள்ளார். இந்தப் படத்தின் தலைப்பு அடுத்த மாதம் 10-ம் தேதி வெளியிடப்படும் என்று அறிவித்துள்ளனர்.

‘தாதா 87’ படத்தில், சாருஹாசன் பிரதான பாத்திரத்தில் நடித்துள்ளார். அவருக்கு ஜோடியாக கீர்த்தி சுரேஷின் பாட்டி சரோஜா நடித்துள்ளார். நீண்ட இடைவெளிக்குப் பின் இந்தப் படத்தில் ஜனகராஜ் நடித்துள்ளார்.