கைவிடப்பட்ட சிம்பு படம்: விஜய் ஆண்டனியை இயக்கும் அஜித் பட இயக்குநர்

அஜித்தை வைத்து முகவரி எனும் மறக்க முடியாத படத்தை தந்தவர் துரை. 'தொட்டி ஜெயா', 'முகவரி', 'நேபாளி' என வித்தியாசமான கதைகளங்களால் தமிழ் ரசிகர்களை அசத்தியவர் துரை.

துரை இயக்கத்தில் அஜித் நடித்த முகவரி படம் இன்றளவும் அவரின் நடிப்பில் சிறந்த படமாக கருதப்படுகிறது. துரை ரமணா படத்தில் ஒரு காட்சியில் தோன்றி அனைவரையும் கவர்ந்திருப்பார். அவர் இயக்கிய 'நேபாளி' படத்தின் தோல்விக்கு பிறகு நீண்ட காலமாக படம் இயக்காமல் இருந்தார். பின் ஷாம் நடிப்பில் 'ஆறு மெழுகுவர்த்திகள்', சமுத்திரக்கனி நடிப்பில் 'ஏமாளி' படங்களை இயக்கினார்.

தற்போது சுந்தர் சி நடிப்பில் 'இருட்டு' படத்தை இயக்கி வருகிறார். இப்படத்தின் ஷூட்டிங் முடிந்த நிலையில் படத்தின் இறுதிக்கட்ட பணிகள் தற்போது நடந்து வருகிறது. இதனையடுத்து நடிகரும், இசையமைப்பாளருமான விஜய் ஆண்டனி நடிக்கும் புதிய படத்தை அவர் இயக்க உள்ளதாக தகவல் வெளியாகியுள்ளது.

விஜய் ஆண்டனி 'தமிழரசன்' , 'அக்னி சிறகுகள்', 'காக்கி' ஆகிய படங்களில் நடித்து வருகிறார். இதனையடுத்து விஜய் மில்டன் இயக்கும் படத்தில் நடிக்கிறார். இந்தப் படங்கள் முடிந்த பிறகே துரையின் படத்தில் நடிக்க உள்ளார். இப்டத்தின் கதை, டைட்டில் பற்றிய எந்தவொரு தகவலும் உறுதி செய்யப்படவில்லை. இதற்கிடையில் துரை சிம்புவுடன் தொட்டி ஜெயா படத்தின் இரண்டாம் பாகத்தை உருவாக்குவதாக இருந்தார். ஆனால் ஆரம்பக்கட்ட பணிகளிலேயே அப்படம் நிறுத்தப்பட்டுவிட்டதாக தகவல் வந்துள்ளது.