Shruti Haasan: இயக்குநர்களுக்கு ஸ்ருதி ஹாசனின் கோரிக்கை: நிறைவேறுவது கஷ்டம் தான்

படங்களில் காதல் பாடல் காட்சியில் பனி பிரதேசத்தில் ஹீரோ கோட், சூட், ஜாக்கெட், ஷூ எல்லாம் அணிந்து குளிராதபடி செமயாக வருவார். ஆனால் ஹீரோயினுக்கு குட்டி உடை அல்லது சேலையை கொடுத்து ஆடச் செய்கிறார்கள். இது தான் சினிமாவில் காலம் காலமாக நடந்து வருகிறது. மொழி பேதம் இல்லாமல் அனைத்து படங்களிலும் ஹீரோயினை சேலையில் பனி பிரதேசத்தில் டான்ஸ் ஆட வைக்கிறார்கள். இந்நிலையில் தான் ஸ்ருதி ஹாசன் ஒரு கோரிக்கை விடுத்துள்ளார்.

ஸ்ருதி ஹாசன் கூறியிருப்பதாவது, எனக்கு ஸ்னோல ஆட பிடிக்காது. அது ரொம்ப கஷ்டம். ஹீரோ மட்டும் ஜாக்கெட் போட்டுக்குவார். எங்களுக்கு கோட், ஷால் எதுவும் கிடையாது. பிளவுஸ், சாரி இந்த ஸ்னோ. தயவு செய்து இதை நிறுத்துங்க என இயக்குநர்களை கேட்டுக் கொள்கிறேன் என்றார்.

சங்கராந்தி ஸ்பெஷலாக வெளியான வால்டர் வீரய்யா படத்தில் சிரஞ்சீவியுடன் சேர்ந்து பனி பிரதேசத்தில் டான்ஸ் ஆடியிருந்தார் ஸ்ருதி ஹாசன். சிரஞ்சீவி மட்டும் கோட்லாம் போட்டிருந்தார். ஸ்ருதியோ லேசான சேலை, ஸ்லீவ்லெஸ் பிளவுஸ் அணிந்து டான்ஸ் ஆடினார். குளிர் தாங்க முடியாமல் தான் இப்படி ஒரு கோரிக்கையை முன்வைத்திருக்கிறார் ஸ்ருதி ஹாசன். ஆனால் அவரின் கோரிக்கை நிறைவேறுவது கஷ்டம் என்கிறார்கள் சினிமா ரசிகர்கள்

கெரியரை பொறுத்தவரை கே.ஜி.எஃப். படம் புகழ் பிரசாந்த் நீல் இயக்கத்தில் பிரபாஸுடன் சேர்ந்து சலார் படத்தில் நடித்திருக்கிறார் ஸ்ருதி. அவர் பிரபாஸுடன் சேர்ந்து நடித்திருப்பது இதுவே முதல் முறையாகும். ஸ்ருதி தொடர்பான காட்சிகளை அண்மையில் தான் படமாக்கி முடித்தார்கள். படப்பிடிப்பின்போது தன் வீட்டில் இருந்து உணவு கொண்டு வந்து கொடுத்து ஸ்ருதி ஹாசனை நெகிழ வைத்தார் பிரபாஸ். இதையடுத்து அவருக்கு நன்றி தெரிவித்தார் ஸ்ருதி.

சலார் படப்பிடிப்பை முடித்த பிறகு ஸ்ருதி சமூக வலைதளத்தில் கூறியதாவது, சலார் ஷூட்டிங்கை முடித்துவிட்டேன். உங்கள் ஆத்யாவாக என்னை நடிக்க வைத்ததற்கு நன்றி பிரசாந்த் சார். டார்லிங் பிரபாஸுக்கு நன்றி. ஹொம்பாலே ஃபிலிம்ஸுக்கு நன்றி. இந்த ஸ்பெஷலான படத்தில் வேலை செய்தது அருமையான அனுபவம். மொத்த படக்குழுவும் என் குடும்பம் போன்று உணர்ந்தேன் என சந்தோஷமாக தெரிவித்துள்ளார்.

பிரசாந்த் நீல் இயக்கத்தில் பிரபாஸ் நடிப்பது இதுவே முதல் முறையாகும். உக்ரம் கன்னட படத்தின் ரீமேக் தான் சலார் என்று கூறப்படுகிறது. ஆனால் அதை படக்குழு உறுதி செய்யவில்லை. ஒரு ஹிட் கொடுத்தே ஆக வேண்டும் என்கிற நிலையில் இருக்கும் பிரபாஸுக்கு சலார் படம் கை கொடுக்கும் என நம்பப்படுகிறது.