தோனி படம் குறித்து மனம் திறந்த திஷா பட்டானி!

இந்திய கிரிக்கெட் அணியின் நட்சத்திர கேப்டன் மகேந்திர சிங் தோனியின் வாழ்க்கை வரலாற்றை “எம்.எஸ்.தோனி – தி அன்டோல்டு ஸ்டோரி” என்ற பெயரின் நீரஜ் பாண்டே இயக்கியுள்ளார். இதில் முதன்மை கதாப்பாத்திரத்தில், அதாவது தோனியாக சுஷாந்த் சிங் ராஜ்புத் நடித்துள்ளார். படத்தில் தோனியின் முதல் காதலியான பிரியங்கா ஜா ரோலில் அறிமுக நாயகி திஷா பட்டானி நடித்துள்ளார். படம் குறித்து திஷா கூறும் போது, தோனியை இதுவரை சந்தித்தது இல்லை என்றும், இயக்குநர் நீரஜ் பாண்டே பிரியங்கா ஜாவின் கதாப்பாத்திரத்தை தனக்கு விளக்கியதாகவும் கூறியுள்ளார். படம் குறித்து மேற்கொண்டு தகவல்களை பகிர்ந்து கொள்ள முடியாது என்று கூறிய திஷா இப்படத்தில் பணிபுரிந்தது நல்ல அனுபவத்தை கொடுத்தது என்று கூறியுள்ளார்.

அடுத்ததாக ஜாக்கி சான் மற்றும் சோனு சூட் உடன் குங்ஃபூ யோகா எனும் படத்தில் நடிக்கவுள்ளார். ஜாக்கி சானுடன் நடித்தது மறக்க முடியாத அனுவபம் என்று, 66 வயதிலும் நடிப்பதில் இத்தனை ஆர்வத்துடன் பங்கேற்கும் ஜாக்கி சான் பெரும் ஆச்சர்யம் என்றும் புகழாரம் சூட்டியுள்ளார்.

English Summary : Disha patani open up about M.S.Dhoni untold story and her next project with Jackie chan and sonu sood kung fu yoga.