‘டிஸ்ஷூம்’ நான்கு நாளில் வசூல் 42 கோடி!

‘டிஸ்ஷூம்’ படத்தின் வசூல் நான்கு நாட்களில் 42 கோடியை எட்டியுள்ளதாக கூறப்படுகிறது.

இயக்குனர் ரோகித் தவான் இயக்கத்தில் ஜான் ஆபிரஹாம், வருண் தவான், ஜாக்குலின் பெர்ணான்டஸ், அக்ஷ்ய் கண்ணா நடிப்பில் கடந்த வெள்ளியன்று (ஜூலை 29-ம் தேதி) வெளியான ஆக்ஷ்ன் படம் ‘டிஸ்ஷூம்‘. இப்படத்திற்கு மாறுப்பட்ட விமர்சனங்கள் வந்தாலும் படத்தின் வசூல் நன்றாகவே இருப்பதாக பாலிவுட் விநியோகஸ்தர்கள் வட்டாரத்தில் பேசப்படுகிறது.

இப்படம் வெளியான நான்கு நாட்களில் ரூ.42.17 கோடி வசூலித்திருக்கிறது. படம் வெளியான முதல் நாளில் ரூ.11.05 கோடியும், 2-ம் நாளில் 12.02 கோடியும், மூன்றாம் நாளில் ரூ.14.25 கோடியும், 4-ம் நாளில் ரூ.4.85 கோடியும் வசூலித்திருக்கிறது. படத்திற்கு வசூல் சிறப்பாகவே இருப்பதாகவும், இன்னும் சில நாட்களில் படத்தின் வசூல் மேலும் அதிகரிக்கும் என்று விநியோக வட்டாரத்தில் பேசப்படுகிறது.