'பிசாசு' ஆண்ட்ரியாவின் வைரல் போட்டோவுக்கு பின்னால் இப்படி ஒரு கதையா?

மிஷ்கின் இயக்கத்தில் ஆண்ட்ரியா நடிக்கும் படம் பிசாசு 2. துப்பறிவாளன் படத்தை அடுத்து மீண்டும் மிஷ்கின் இயக்கத்தில் நடிக்கிறார் ஆண்ட்ரியா.

ஆண்ட்ரியாவின் பிறந்தநாளை முன்னிட்டு நேற்றுமுன்தினம் பிசாசு 2 படத்தின் ஃபர்ஸ்ட் லுக் போஸ்டர் வெளியானது. தலையில் ஸ்கார்ஃபுடன் ஆண்ட்ரியா வித்தியாசமாக இருந்தார். இந்நிலையில் அந்த போஸ்டருக்கு பின்னால் இருக்கும் கதையை ஆண்ட்ரியா சமூக வலைதளங்களில் கூறியுள்ளார்.

போஸ்டர் குறித்து ஆண்ட்ரியா கூறியிருப்பதாவது,

பிசாசு 2 ஃபர்ஸ்ட் லுக்கிற்கு பின்னால் ஒரு கதை இருக்கிறது. புகைப்படத்தின் இடது பக்கம் இருப்பது என் பாட்டி. அவரின் பெயர் ஹெதர். இயக்குநர் மிஷ்கின் என்னிடம் கதை சொன்னபோது என் கதாபாத்திரத்திற்கும், குடும்பத்திற்கும் இடையேயான ஒற்றுமையை பார்த்தேன். பழைய புகைப்படங்களை தேடிக் கண்டுபிடித்து அவருக்கு அனுப்பி வைத்தேன்.

என் பாட்டியின் புகைப்படம் மிகவும் அழகாக இருப்பதாக மிஷ்கின் எனக்கு போன் செய்து கூறினார். அதே லுக்கை தன் படத்திற்கு பயன்படுத்த வேண்டும் என்றார். அப்படித் தான் ஃபர்ஸ்ட் லுக் போஸ்டர் உருவானது.

படத்தை நினைத்து பதட்டமாக இருந்தது, இன்னும் இருக்கிறது. ஆனால் புகைப்படத்தை பார்த்த பிறகு என்னுள் ஒரு அமைதி ஏற்பட்டது. ஏனென்றால் அவரை நான் கண்டுபிடித்துவிட்டேன் என்று எனக்கு தெரியும். அந்த லுக்கை அழகாக உருவாக்கிய குழுவுக்கு நன்றி. நான் அணிந்திருக்கும் ஸ்கார்ஃப் என் பாட்டியுடையது. அது எனக்கு ராசியாக இருக்கக்கூடும் என்று தெரிவித்துள்ளார்.

முன்னதாக மிஷ்கின் இயக்கத்தில் வெளியான பிசாசு படத்திற்கு நல்ல வரவேற்பு கிடைத்தது. பிசாசு 2 படத்திற்கு தற்போதே எதிர்பார்ப்பு ஏற்பட்டுள்ளது.

ஆண்ட்ரியாவின் பிறந்தநாளுக்கு மாஸ்டர் படக்குழுவும் ஒரு புகைப்படம் வெளியிட்டது. விஜய்யும், ஆண்ட்ரியாவும் இருந்த அந்த புகைப்படம் ரசிகர்களை கவர்ந்தது. லோகேஷ் கனகராஜ் இயக்கத்தில் விஜய், விஜய் சேதுபதி உள்ளிட்டோர் நடித்துள்ள மாஸ்டர் படத்தில் ஆண்ட்ரியா முக்கியமான கதாபாத்திரத்தில் நடித்துள்ளார். மாஸ்டர் படம் பொங்கல் பண்டிகை ஸ்பெஷலாக ஜனவரி மாதம் 13ம் தேதி ரிலீஸாகவிருக்கிறது.

காலங்காத்தாலயே பிகினியா?: 'தலைவி'யை விளாசும் நெட்டிசன்ஸ்