“பாகுபலி படம் பற்றி தப்பா பேசுனா டென்ஷன் ஆயிடுவேன்” : இயக்குநர் சமுத்திரக்கனி!

பாகுபலி திரைப்படம் விமர்சனங்களுக்கு அப்பாற்பட்டது என்றும், தவறாக விமர்சனம் செய்ய வேண்டாம் என்றும் இயக்குநர் சமுத்திரக்கனி கருத்து தெரிவித்துள்ளார்.

உலகம் முழுவதும் பாகுபலி திரைப்படம் சக்கை போடு போட்டுக்கொண்டிருக்கிறது. பல சாதனைகளை நிகழ்த்தி வரும் இந்தப்படத்தை சிலர் சமூக வலைதளங்களில் விமர்சித்தும் வருகின்றனர். இது குறித்து இயக்குநர் மற்றும் நடிகர் சமுத்திரக்கனி கருத்து தெரிவித்துள்ளார். பாகுபலி 2 திரைப்படம் உன்னதமான படைப்பு என்றும், எத்தனை முறை வேண்டுமானாலும் பார்க்கலாம் என்றும் கருத்து தெரிவித்துள்ளார்.

பாகுபலி விமர்சனத்திற்கு அப்பாற்பட்டது, உலக சினிமா வரிசையில் பாகுபலி திரைப்படம் இடம் பெற்றுள்ளது என்று கூறியுள்ளார். இந்தப்படத்தை விமர்சனம் செய்யாமல் அனுபவித்து பார்க்க வேண்டும் என்றும் சமுத்திரக்கனி கேட்டுக்கொண்டுள்ளார். இது போன்ற திரைப்படத்தை இன்னொருவர் எடுக்க முடியுமா என்பது சந்தேகமே என்றும் அவர் கூறியுள்ளார்.