அப்துல்கலாம் வாழ்க்கை வரலாறு படத்தில் அனில் கபூர்!

தற்போது முக்கிய பிரமுகர்கள் மற்றும் அரசியல் கட்சித் தலைவர்கள் வாழ்க்கை வரலாறு திரைப்படமாக்கப்பட்டு வருகிறது. தற்போது கூட மறைந்த ஆந்திர முதல்வர்கள் என்.டி.ராமராவ், ராஜசேகர ரெட்டி மற்றும் பால்தாக்கரே ஆகியோரின் வாழ்க்கை படமாகி வருகிறது. மேலும் மறைந்த முதல்வர் ஜெயலலிதா வாழ்க்கையையும் படமாக்கி வருகிறார்கள். ஜெயலலிதாவாக நித்யா மேனன் நடிக்கிறார்.

இந்நிலையில் விஞ்ஞானி நம்பிநாராயணன் வாழ்க்கையும் படமாக்கப்பட்டு வருகிறது. இந்தப் படத்தில் விஞ்ஞானி நம்பியாக மாதவன் நடிக்கிறார். இந்த வரிசையில் மறைந்த முன்னாள் ஜனாதிபதி அப்துல்கலாம் வாழ்க்கையும் திரைப்பட படமாகிறது. அப்துல்கலாம் வேடத்தில் பிரபல பாலிவுட் நடிகர் அனில்கபூர் நடிக்கவுள்ளார். இந்தப் படத்தை தெலுங்கு பட அதிபர்கள் அனில் சுன்கரா, அபிஷேக் அகர்வால் ஆகியோர் இணைந்து தயாரிக்கின்றனர்.