பொன் ராம்- சசிகுமார் படத்தில் இணைந்த டப்ஸ்மேஷ் பிரபலம்

சிவகார்த்திகேயனை வைத்து ரஜினி முருகன், வருத்தப்படாத வாலிபர் சங்கம் மற்றும் சீமராஜா ஆகிய படங்களை இயக்கியவர் பொன் ராம். இதில் சீமராஜா படம் மட்டும் அவர் எதிர்பார்த்த வெற்றியைத் தரவில்லை. அதைத் தொடர்ந்து அவர் அடுத்ததாக சசிகுமாரை ஹீரோவாக வைத்து படம் இயக்கவுள்ளார்.

Sultan பாஜக, சிவசேனா போராட்டம்: பாதியில் நிறுத்தப்பட்ட கார்த்தியின் சுல்தான் ஷூட்டிங்

எம்.ஜி.ஆர். மகன் என்று பெயர் வைக்கப்பட்டுள்ள இதில் சசிகுமாருக்கு ஜோடியாக டப்ஸ்மேஷ் மூலம் பிரபலமான மிருணாளினி ரவி நடிக்க உள்ளார். இந்த நிலையில் இந்த படத்தின் பூஜை இன்று சென்னையில் நடைபெற்றது. அதில் சசிகுமார், மிருணாளினி என்று படக்குழுவினர் அனைவரும் கலந்து கொண்டனர்.

ஸ்கிரீன் சீன் மீடியா என்டர்டெயின்மென்ட் நிறுவனம் இந்த படத்தை தயாரிக்கிறது. மேலும் இதில் சத்யராஜ், சமுத்திரக்கனி, சரண்யா பொன்வண்ணன் ஆகியோர் முக்கிய கதாபாத்திரத்தில் நடிக்கிறார்கள். வினோத் ரத்தின சாமி ஒளிப்பதிவு செய்ய, விவேக் ஹர்ஷன் எடிட்டிங் பணிகளை செய்யவுள்ளார். மேலும் இந்த படம் அடுத்த ஆண்டு மார்ச் மாதம் வெளியாகும் என்று கூறப்படுகிறது.


கிராமத்து சென்டிமென்ட் மற்றும் காமெடியை மையமாக கொண்டு இப்படம் எடுக்கப்படுவதாக கூறப்படுகிறது. மேலும் விரைவில் படத்தின் மற்ற அப்டேட் குறித்த தகவல் வெளியாகும் என்று எதிர்பார்க்கப்படுகிறது. முன்னதாக மிருணாளினி சூப்பர் டீலக்ஸ் படத்தில் நடித்திருந்தது குறிப்பிடத்தக்கது.

பிகில் பேச்சுக்கு கண்டனம் தெரிவித்த சிவாஜி ரசிகர்கள்: விளக்கம் அளித்த விவேக்

மேலும் சசி குமார் நடிப்பில் இந்த ஆண்டு பேட்ட மற்றும் கென்னடி கிளப் என்று இரு படங்கள் வெளியானது. இது தவிர அவர் கைவசம் தற்போது கொம்பு வெச்ச சிங்கம்டா, ராஜவம்சம், பரமகுரு போன்ற படங்கள் உள்ளன.