நான்கு ஹீரோயின்களுடன் டூயட் பாடும் துல்கர் சல்மான்!

துல்கர் சல்மான் தமிழில் நடிக்கும் படத்தில் நான்கு ஹீரோயின்களுடன் டூயட் பாடவுள்ளார்.

துல்கர் சல்மான் தமிழில் நடிக்க இருக்கும் புதிய படத்தில், அவருக்கு ஜோடியாக 4 ஹீரோயின்கள் நடிக்க இருப்பதாகத் தகவல் கிடைத்துள்ளது. மலையாளத்தில் முன்னணி நடிகர்களுள் ஒருவர் துல்கர் சல்மான். தமிழில், ‘வாயை மூடி பேசவும்’, ‘ஓ காதல் கண்மணி’ ஆகிய இரண்டு படங்களில் நடித்துள்ளார்.



துல்கர் சல்மான் நடிக்க இருக்கும் மூன்றாவது தமிழ்ப் படத்தை, அறிமுக இயக்குநரான ரா.கார்த்திக் இயக்குகிறார். படத்தை கெனன்யா பிலிம்ஸ் சார்பில் செல்வகுமார் தயாரிக்கிறார். ஜார்ஜ் சி வில்லியம் இந்தப் படத்துக்கு ஒளிப்பதிவு செய்கிறார். இந்தப் படத்தில், துல்கர் சல்மானுக்கு ஜோடியாக 4 ஹீரோயின்கள் நடிக்கிறார்களாம். ஆனால், அவர்கள் யார் என்ற விவரம் இன்னும் அறிவிக்கப்படவில்லை.