தனுஷின் 'எனை நோக்கி பாயும் தோட்டா' டீசர் வெளியீடு

சென்னை: தனுஷ் மற்றும் இயக்குனர் கவுதம் வாசுதேவ் மேனன் கூட்டணியில் உருவாகியுள்ள 'எனை நோக்கி பாயும் தோட்டா' படத்தின் டீசர் இன்று வெளியிடப்பட்டது.

எஸ்கேப் ஆர்ட்டிஸ்ட் மோஷன் பிக்சர்ஸ் மற்றும் ஒன்றாக எண்டர்டெயின்மெண்ட் இணைந்து தயாரிக்கும் 'எனை நோக்கி பாயும் தோட்டா' படத்தில் தனுஷ், ராணா, மேகா ஆகாஷ் உள்ளிட்டோர் நடித்துள்ளனர்.

கடந்த மார்ச் மாதம் தொடங்கிய இப்படத்தின் படப்பிடிப்பு சென்னை, மும்பை, பொள்ளாச்சி ஆகிய இடங்களில் நடைபெற்று தற்போது இறுதிக்கட்ட படப்பிடிப்பில் உள்ளது. இதுவரை 80% காட்சிகள் படமக்கப்பட்டிருப்பதாக படக்குழு தரப்பில் தெரிவிக்கப்பட்டுள்ளது.

இப்படத்தில் அடர்த்தியான தாடி மற்றும் கிளீன் ஷேவ் செய்த இரு தோற்றங்களில் தனுஷ் நடித்துள்ளார் இப்படம் அடுத்த ஆண்டு காதலர் தினத்தை முன்னிட்டு வெளியாகவிருப்பதாக போஸ்டரில் தெரிவிக்கப்பட்டுள்ளது. கவுதம் படம் என்பதால் இப்படத்தில் காதல் காட்சிகளுக்கு பஞ்சமில்லை என்பது போஸ்டரிலேயே தெரிகிறது.