Bigil: ஒட்டுமொத்த தென்னிந்தியாவை கலக்க வரும் தளபதி விஜய்யின் பிகில்!

ராஜா ராணி, தெறி, மெர்சல் ஆகிய வெற்றிப் படங்களை கொடுத்த இயக்குநர் அட்லி இன்று தனது 33ஆவது பிறந்தநாளை கொண்டாடுகிறார். இந்தப் படங்களைத் தொடர்ந்து அடுத்துதான் இயக்கியுள்ள பிகில் படத்தின் வெற்றிக்காக காத்துக்கொண்டிருக்கிறார். அவர் மட்டுமல்ல, ஒட்டுமொத்த தென்னிந்தியாவும் பிகில் போடுவதற்கு காத்துக்கொண்டிருக்கிறது.

அண்மையில், பிகில் படத்தின் இசை வெளியீட்டு விழா சென்னையில் பிரமாண்டமாக நடந்து முடிந்தது. இதில், படக்குழுவினர் பலரும் கலந்து கொண்டு பேசினர். விழாவில் பேசிய அட்லி கூறியிருப்பதாவது: தெறி படத்தைவிட மெர்சல் 2 மடங்கு பெரிய படம் என்றால், மெர்சலை விட பிகில் 3 மடங்கு மாஸ் படமாக இருக்கும். அது, கமர்ஷியலா, விளையாட்டா என்று கேட்டால் உங்களுக்கு பிடித்த படம் என்றுதான் சொல்ல வேண்டும்.

Jayam Ravi: ஹிட்டு கொடுத்த கோமாளி இயக்குநருக்கு ஹோண்டா சிட்டி கார் பரிசு!

காப்பான் முதல் நாள் வசூல் எவ்வளவு?

'தல 60' கெட்டப்பில் ஹோட்டலுக்கு சென்ற அஜித்: வைரல் வீடியோ

இதுவரை நான் கொடுத்த படங்கள் எல்லாமே பெண்களை மையப்படுத்திய படங்களாகவே வந்துள்ளன. அதற்கு காரணம், அவர்கள் இல்லை என்றால் நாம் யாரும் இல்லை. மற்ற ஹீரோக்களின் படங்களையும் இயக்க வேண்டும் என்று விஜய் சொன்னார். ஆனால், நான் எந்த கதை எழுதினாலும், என் மனதுக்குள் வருவது அவர் மட்டுமே.

என்னுடைய லக்கி நடிகர் அவர் மட்டுமே. அவரை விட்டுவிட்டு நான் வேறெங்கு போவேன்? அவர் இல்லையென்றால் எனது வளர்ச்சி எதுவும் இல்லை. பிகில் படத்தின் டிரைலர் முடிவாகிவிட்டது. வரும் அக்டோபர் மாதத்தின் முதல் வாரத்தில் வெளியாகலாம். மேலும், பிகில் படத்தின் தணிக்கை வேலைகள் தற்போது விறுவிறுப்பாக நடந்து வருகிறது என்று குறிப்பிட்டுள்ளார் என்பது குறிப்பிடத்தக்கது.

அட்லி இயக்கத்தில் ஆர்யா, நயன்தாரா, ஜெய் ஆகியோரது நடிப்பில் வந்த ராஜா ராணி படம் பிளாக்பஸ்டர் ஹிட் கொடுத்த படம். ரூ.50 கோடி வரையில் இப்படம் வசூல் கொடுத்துள்ளது. இதே போன்று அட்லி – விஜய் கூட்டணியில் வந்த தெறி படம் ரூ.150 கோடி வரையில் வசூல் கொடுத்துள்ளது. இப்படத்தைத் தொடர்ந்து வந்த மெர்சல் ரூ.250 கோடி வரையில் வசூல் கொடுத்துள்ளது என்பது குறிப்பிடத்தக்கது.

இப்படங்களின் வெற்றியைத் தொடர்ந்து, விஜய் – அட்லி கூட்டணியில் உருவாகியுள்ள படம் பிகில். கால்பந்து விளையாட்டை மையப்படுத்திய இப்படத்தில் விஜய்க்கு ஜோடியாக நயன்தாரா நடித்துள்ளார். மேலும், விவேக், கதிர், யோகி பாபு, ஜாக்கி ஷெராஃப் ஆகியோர் உள்பட பலர் நடித்துள்ளனர். ஏ.ஆர்.ரஹ்மான் இப்படத்திற்கு இசையமைத்துள்ளார். வரும் தீபாவளி பண்டிகையை முன்னிட்டு இப்படம் திரைக்கு வருகிறது. இப்படத்தின் வருகைக்காக ஒட்டுமொத்த தென்னிந்திய சினிமா மட்டுமல்ல, கோடான கோடி ரசிகர்களும் இப்படத்திற்காக காத்துக்கொண்டிருக்கின்றனர்.