தல அஜித் பற்றி இந்த நடிகை என்ன சொன்னார் தெரியுமா?

1990ல் "வெளியான என் வீடு என் கணவர்" படத்தில் சிறிய கதாபாத்திரத்தில் நடித்தவர் அஜித் குமார். பிறகு "அமராவதி" என்ற மாபெரும் வெற்றிப்படத்தில் கதாநாயகனாக அறிமுகமானார். இதன் வெற்றியை தொடர்ந்து ஆசை, காதல் கோட்டை, வாலி, தீனா, வில்லன், வரலாறு, பில்லா, மங்காத்தா, வீரம், வேதாளம், விஸ்வாசம் என்று சூப்பர் ஹிட் படங்களில் நடித்து தமிழகத்தில் ஒட்டு மொத்த ரசிகர் பட்டாளத்தையும் தன் வசம் ஈர்த்துக் கொண்டார்.

அமராவதி படத்தில் அஜித் குமாருடன் இணைந்து நடித்தவர் நடிகர் சங்கவி. சங்கவி தமிழ் சினிமாவில் கடந்த 14 வருடங்களாக தலை காட்ட வில்லை அவர் தற்போது"கொளஞ்சி" என்ற படத்தில் சமுத்திரகனியுடன் நடித்துள்ளார். இதற்காக கொடுத்த பேட்டி ஒன்றில் அஜித் பற்றி அவர் கூறுகையில் "அஜித் கடினமான உழைப்பாளி. அவர் ஒரு ட்ரெண்ட்செட்டர். மற்ற யாரிடமும் இல்லாத தைரியம் தனித்துவமும் அவரிடம் உள்ளது. எல்லோருக்கும் மரியாதை தரக்கூடியவர். அவரின் சால்ட் அண்ட் பெப்பர் லுக் அனைவரையும் ஈர்த்துள்ளது"என்று கூறியுள்ளார்.

தல ரசிகர்களின் ஒட்டுமொத்த கவனமும் தற்போது நேர்கொண்ட பார்வை படத்தின் மீது தான் உள்ளது. தற்பொழுது அகலாதே பாடல் வெளியாகி ரசிகர்களை குஷியாக்கியுள்ளது. படம் ரிலீஸ் ஆகஸ்ட் 8 என்பதை உறுதிப்படுத்தியுள்ள நிலையில் ரசிகர்கள் பயங்கர எதிர்பார்ப்பில் உள்ளனர். இப்படத்தின் 4ஆவது சிங்கிள் டிராக் அகலாதே பாடல் வெளியான 24 மணி நேரத்தில் விஜய்யின் சிங்கப்பெண்ணே பாடல் லிரிக் வீடியோ சாதனையை முறியடித்துள்ளது என்பது குறிப்பிடத்தக்கது.