'தங்கலான்' படத்தில் இணைந்த பிரபல நடிகர்: வெறித்தனமான அறிவிப்பை வெளியிட்ட படக்குழு.!

விக்ரம், பா. ரஞ்சித் கூட்டணியில் 'தங்கலான்' படம் உருவாகி வருகிறது. 'நட்சத்திரம் நகர்கிறது' படத்தை தொடர்ந்து இந்தப்படத்தை இயக்குகிறார் ரஞ்சித். காளிதாஸ் ஜெயராம், துஷ்ரா விஜயன், கலையரசன் உள்ளிட்டோர் நடிப்பில் வெளியான 'நட்சத்திரம் நகர்கிறது' கலவையான விமர்சனங்களை பெற்றது. இந்நிலையில் அடுத்ததாக பா. ரஞ்சித் விக்ரமை இயக்குவது ரசிகர்கள் மத்தியில் எக்கசக்க எதிர்பார்ப்பை கிளப்பியுள்ளது.

விக்ரம் நடிப்பில் கடந்தாண்டு பொன்னியின் செல்வன், கோப்ரா படங்கள் வெளியானது. மல்டி ஸ்டார் படமாக மிகப்பெரிய பொருட் செலவில் வெளியான 'பொன்னியின் செல்வன்' படத்தில் ஆதித்ய கரிகாலன் ரோலில் விக்ரம் நடித்திருந்தார். இதனையடுத்து அஜய் ஞானமுத்து இயக்கத்தில் விக்ரம் இரட்டை வேடங்களில் நடித்த 'கோப்ரா' படம் வெளியானது. இந்த இரண்டு படங்களும் ரசிகர்கள் மத்தியில் அமோக வரவேற்பினை பெற்றது.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்தப்படங்களை தொடர்ந்து பா. ரஞ்சித் இயக்கத்தில் தனது 61 ஆவது படத்தில் நடித்து வருகிறார் விக்ரம். கடந்தாண்டு பூஜையுடன் இதன் படப்பிடிப்பு துவங்கியது. ஸ்டூடியோ கிரீன் சார்பில் ஞானவேல் ராஜா இந்தப்படத்தை மிகப்பெரிய பொருட் செலவில் தயாரித்து வருகிறார். மேலும் பா. ரஞ்சித் படத்திற்கு முதன்முறையா ஜி.வி. பிரகாஷ் குமார் இசையமைக்கிறார்.

இந்தப்படத்திற்கு 'தங்கலான்' என டைட்டில் வைக்கப்பட்டுள்ளது. மேலும் கடந்தாண்டு வெளியான இதன் கிளிம்ப்ஸ் வீடியோ ரசிகர்கள் மத்தியில் எக்கச்சக்க எதிர்பார்ப்பை கிளப்பியிருந்தது. 'தங்கலான்' படத்தில் விக்ரமுடன் பசுபதி, பாரவதி, மாளவிகா மோகனன் உள்ளிட்டோர் இணைந்து நடித்து வருகின்றனர். அத்துடன் இந்தப்படம் 3டியில் உருவாகி வருகிறது.

AK 62 Update: ஒரு வழியாக கன்பார்மான 'ஏகே 62' இயக்குனர்: சம்பவம் ஆரம்பம்.!

'தங்கலான்' படத்தில் நீண்ட தாடியுடன், வித்தியாசமான ஹேர்ஸ்டைலுடன் மாஸ் லுக்கில் நடித்து வருகிறார் விக்ரம். பீரியட் பிலிமாக உருவாகும் இந்தப்படத்தின் நடிகர், நடிகைகள் லுக் குறித்த புகைப்படங்கள் இணையத்தில் வெளியாகி வைரலாகி வருகிறது. இந்நிலையில் லேட்டஸ்ட் தகவலாக இந்தப்படத்தில் பிரபல ஆங்கில நடிகர் டேனியல் இணைந்துள்ளதாக படக்குழுவினர் அதிகாரப்பூர்வமாக அறிவித்துள்ளனர்.

Pathaan: கம்பேக்னா இப்படி இருக்கணும்: வாய் பிளக்க வைக்கும் 'பதான்' பட வசூல்.!

மேலும் அவரின் மாஸான 'தங்கலான்' பட லுக் புகைப்படமும் இணையத்தில் வைரலாகி வருகிறது. பான் இந்தியா படமாக உருவாகி வரும் 'தங்கலான்' கேஜிஎப் பற்றிய உண்மை வரலாற்றை கூறும் விதமாக இயக்கி வருகிறார் ரஞ்சித். மேலும் இதன் படப்பிடிப்பு தற்போது கேஜிஎப் பகுதியில் விறுவிறுப்பாக நடந்து வருவது குறிப்பிடத்தக்கது.