சிவகார்த்திகேயனை எதிர்க்கும் பிரபல முன்னாள் ஹீரோயின்!

பிரபல முன்னாள் ஹீரோயின் சிம்ரன், சிவகார்த்திகேயன் நடித்துவரும் புதிய படத்தில் அவரை எதிர்க்கும் வில்லியாக நடிக்கிறார்.

நடிகர் சிவகார்த்திகேயன், மோன் ராஜா இயக்கத்தில் ‘வேலைக்காரன்’ படத்தில் நடித்து முடித்துவிட்டார். அடுத்ததாக பொன்ராம் இயக்கத்தில் தற்போது சிவகார்த்திகேயன் நடித்து வருகிறார். தற்போது இந்தப் படத்தின் படப்பிடிப்பு குற்றாலம், தென்காசி பகுதியில் நடைபெற்று வருகிறது.

இந்தப் படத்தில் சிவகார்த்திகேயனுக்கு ஜோடியாக சமந்தா நடிக்கிறார். மேலும் படத்தில் நடிகை சிம்ரனும் ஒரு முக்கியமான கதாபாத்திரத்தில் நடிக்கவுள்ளதாக முன்னரே கூறியிருந்தோம். தற்போது வந்த செய்தியின் படி நடிகை சிம்ரன் இந்தப் படத்தில் சிவகார்த்திகேயனுக்கு வில்லியாக நடிக்கின்றார் என்று கூறப்படுகிறது.