அனில் கபூர், ஐஸ்வர்யா ராய் நடிக்கும் ’ஃபென்னே கான்’ பட டீசர் வெளியீடு..!!

இந்தியா காணாத அறியப்படாத மேடை கலைஞனை பற்றிய படமாக பாலிவுட்டில் வெளிவருகிறது ’ஃபென்னே கான்’ திரைப்படம்.

2000ம் ஆண்டிற்கு பிறகு அனில் கபூர், ஐஸ்வர்யா ராய் இணைந்து நடிக்கும் இப்படத்தை, அறிமுக இயக்குநர் அதுல் மஞ்சரேக்கர் இயக்கியுள்ளார்.


இசையை மையப்படுத்திய முற்றிலும் நகைச்சுவை நிறைந்த படமாக தயாராகியுள்ள இந்த படத்தில் தேசிய விருது பெற்ற நடிகர் ராஜ்குமார் ராவ் முக்கிய கதாபாத்திரத்தில் நடித்துள்ளார்.

மேலும் திவ்ய தத்தா, கரண் சிங் சாப்ரா மேற்பட்ட கதாபாத்திரங்களில் நடித்துள்ளனர். ’எவரிபடி ஃபேம்மஸ்’ என்ற ஹாலிவுட்டில் படத்தை தழுவி இந்த படம் உருவாக்கப்பட்டுள்ளது.

அமித் த்ரிவேதி இசையமைத்துள்ள ’ஃபென்னே கான்’ திரைப்படம் வரும் ஆகஸ்டு 3ம் தேதி உலகளவில் வெளிவரவுள்ளது.