நயன்தாரா
நயன்தாராவுக்கும், இயக்குநர் விக்னேஷ் சிவனுக்கும் ஜூன் மாதம் 9ம் தேதி திருமணம் நடந்தது. இந்நிலையில் விக்னேஷ் சிவன் செய்யும் காரியங்கள் பிடிக்காமல் அவர் மீது செம கோபத்தில் இருக்கிறார் நயன்தாரா என்று பேச்சு கிளம்பியது. கணவன், மனைவி இடையே பிரச்சனையாக இருப்பதாக பேசப்பட்டது.
விக்னேஷ் சிவன்
திருமணமான கையோடு நயன்தாராவும், விக்னேஷ் சிவனும் பிரிந்துவிடுவார்களோ?, தினமும் ஒரே பிரச்சனை செய்தியாக இருக்கிறதே என்று ரசிகர்கள் கவலை அடைந்தார்கள். வழக்கம் போன்று அமைதி காத்தார் விக்னேஷ் சிவன். அன்பான இயக்குநரே, ஏதாவது சொல்லுங்களேன் என்று ரசிகர்கள் கோரிக்கை விடுத்தார்கள்.
ஏ.கே. 62
அஜித்தின் ஏ.கே. 62 படத்தை விக்னேஷ் சிவன் தான் இயக்குகிறார். அந்த படத்தில் நயன்தாரா ஹீரோயினாக நடிக்கிறார். ஏ.கே. 62 படத்திற்கு லொகேஷன் பார்க்கத் தான் நயன்தாராவும், விக்னேஷ் சிவனும் ஸ்பெயினுக்கு சென்றிருக்கிறார்களாம். லொகேஷன் பார்த்த மாதிரியும் ஆச்சு, பிரச்சனை பேச்சுக்கு முற்றுப்புள்ளி வைத்ததும் ஆச்சு. ஆக ஒரே கல்லில் இரண்டு மாங்காய் அடித்துவிட்டார் விக்கி.
ஸ்பெயின்
தன் மனைவியை அழைத்துக் கொண்டு ஸ்பெயினுக்கு சென்றிருக்கிறார் விக்னேஷ் சிவன். அங்கு நயன்தாராவுடன் நெருக்கமாக இருக்கும் புகைப்படங்களை தொடர்ந்து இன்ஸ்டாகிராமில் வெளியிட்டு வருகிறார். இதன் மூலம் தனக்கும், நயன்தாராவுக்கும் இடையே எந்த பிரச்சனையும் இல்லை என்பதை அழகாக தெளிவுபடுத்திவிட்டார்.