Thalapathy Vijay: 27 வருடங்களுக்குப் பிறகு தளபதியின் நாளைய தீர்ப்பு படத்தை கொண்டாடிய ரசிகர்கள்!

இயக்குநர் எஸ்.ஏ.சந்திரசேகர் இயக்கத்தில், விஜயகாந்த், விஜி, ஒய்ஜி மகேந்திரா, எம்.என்.நம்பியார் ஆகியோர் பலர் நடிப்பில் வந்த வெற்றி என்ற படத்தின் மூலம் குழந்தை நட்சத்திரமாக அறிமுகமானவர் விஜய்.

இப்படத்தைத் தொடர்ந்து வரிசையாக குடும்பம், வசந்த ராகம், சட்டம் ஒரு விளையாட்டு, இது எங்கள் நீதி ஆகிய படங்களில் குழந்தை நட்சத்திரமாகவே நடித்துள்ளார். எல்லாமே இயக்குநர் எஸ்.ஏ.சந்திரசேகர் இயக்கத்தில் வந்த படங்கள் என்பது குறிப்பிடத்தக்கது.

2019ல் தோல்வி அடைந்த படங்களின் பட்டியல்!

இந்த நிலையில், எஸ்.ஏ.சந்திரசேகர் இயக்கத்தில் நாளைய தீர்ப்பு என்ற படத்தில் நடித்தார் விஜய். இதில், இவருக்கு ஜோடியாக கீர்த்தனா நடித்தார். மேலும், ஈஸ்வரி ராவ், ஸ்ரீவித்யா, ராதா ரவி, கே ஆர் விஜயா, தாமு, சரத் பாபு ஆகியோர் பலர் நடித்துள்ளனர். இந்தப் படத்தை விஜய்யின் அம்மா ஷோபா சந்திரசேகர் தயாரித்துள்ளார்.

கடந்த 1992 ஆம் ஆண்டு டிசம்பர் 4 ஆம் தேதி நாளைய தீர்ப்பு படம் வெளியானது. இந்தப் படம் வெளியாகி இன்றுடன் 27 ஆண்டுகள் ஆன நிலையில், ரசிகர்கள் தளபதி விஜய்யை கொண்டாடி வருகின்றனர். இதற்கிடையில், 27YearsOfKwEmperorVIJAY என்ற ஹேஷ்டேக் ட்விட்டரில் டிரெண்டாகி வருகிறது.

தனுசு ராசி நேயர்களே படத்தின் யாரு மேல பாடல் வீடியோ வெளியீடு!

விஜய்யின் 27 ஆண்டுகால சாதனையை ரசிகர்கள் பலவிதமாக கொண்டாடி வருகின்றனர். நாளைய தீர்ப்பு படத்தைப் போன்று, செந்தூரபாண்டி, ரசிகன், தேவா, விஷ்ணு, மாண்புமிகு மாணவன், ஒன்ஸ் மோர், நெஞ்சினிலே ஆகிய படங்களில் நடித்துள்ளார். எல்லா படங்களுமே காதலை மையப்படுத்தி வெளியான படங்கள் என்பது குறிப்பிடத்தக்கது.

பிக் பாஸ் 3 நிகழ்ச்சியில் சர்ச்சையை ஏற்படுத்திய பிரபலங்கள்!

ஆரம்பம் முதல் இளையதளபதியாக அறியப்பட்ட விஜய் மெர்சல் படத்தின் மூலம் தளபதி விஜய்யாக மாறினார். தற்போது கைதி இயக்குநர் லோகேஷ் கனகராஜ் இயக்கத்தில் தளபதி 64 என்ற இன்னும் டைட்டில் வைக்கப்படாத படத்தில் பிஸியாக நடித்து வருகிறார். தற்போது டெல்லியில் இப்படத்தின் படப்பிடிப்பு நடந்து வருகிறது. இன்னும் ஓரிரு நாட்களில் அடுத்தகட்ட படப்பிடிப்பிற்காக படக்குழுவினர் கர்நாடகாவிற்கு செல்ல இருக்கின்றனர் என்பது குறிப்பிடத்தக்கது.