நடக்க முடியாமல் வீல் சேரில் வந்த டிடி: அதிர்ச்சியில் உறைந்த ரசிகர்கள்!

விஜேவாகவும் பல ரசிகர்களுக்கும் பேவரைட்டாக திகழ்பவர் திவ்ய தர்ஷினி என்கிற டிடி. ஆர்.ஜேவாக இருந்து, பின்னர் விஜேவாகவும் மாடலாகவும் இருந்த டிடி, சில படங்களிலும் நடித்துள்ளார். இவருக்கென்று தனியொரு ரசிகர் பட்டாளமும் உள்ளது.

அண்மையில் விஜய் டிவியில் ராஜமெளலி இயக்கத்தில் பிரம்மாண்டமாக உருவாகியுள்ள 'ஆர்.ஆர்.ஆர்' படம் தொடர்பான பேட்டி நிகழ்ச்சி நடைபெற்றது. இந்த நிகழ்ச்சியில் படத்தின் இயக்குநர் ராஜமௌலி மற்றும் நடிகர்கள் ராம்சரண், ஜூனியர் என்.டி.ஆர் ஆகியோரிடம் பல்வேறு தகவல்கள் குறித்து டிடி உரையாடினார்.

இந்நிலையில் டிடி, வீல் சேரில் அழைத்துவரப்படும் ஒரு வீடியோ இணையத்தில் பரவி, ரசிகர்களை அதிர்ச்சிக்குள்ளாக்கியது. இதை வீடியோவை பார்த்த பலரும் எதனால் டிடி வீல் சேரில் வருகிறார்? டிடிக்கு என்ன ஆச்சு? என தொடர்ச்சியாக கேட்டு வந்தனர். இதற்கு காரணம், டிடிக்கு திடீரென முடக்குவாத பிரச்சனை ஏற்பட்டதுதான்.

இந்த தடவை மிஸ் ஆகாது... 'வலிமை' பொங்கல் கன்பார்ம்: கொண்டாட்டத்தில் ரசிகர்கள்!
ரசிகர்களின் குழப்பத்துக்கு பதிலளித்த டிடி, கீல் வாதம் பிரச்சனையால் தன்னால் வெகுதூரம் நடக்கமுடியவில்லை என்றும், அதனால் வீல் சேரில் வருவதாகவும் தெரிவித்துள்ளார். மேலும் இதெல்லாம் தனக்குள் இருக்கும் குழந்தையை தடுக்க முடியாது என்றும் டிடி கூறியிருக்கிறார். இதை பார்த்து அதிர்ச்சியான ரசிகர்கள், டிடிக்கு ஆறுதல் கூறியதுடன், மிக விரைவில் சரியாகிவிடும் என நம்பிக்கை வார்த்தைகளையும் தெரிவித்து வருகின்றனர்.